برطانیہ ترقی دے سفر وچ پاکستان دا اہم شریک اے: محسن نقوی

اسلام آباد:  وفاقی وزیر داخلہ محسن نقوی نے اکھیا اے کہ برطانیہ ترقی دے سفر وچ پاکستان دا اہم شریک اے، آساں نوں باہمی مفاد دے سارے شعبیاں وچ برطانیہ نال دو طرفہ تعاون نوں فروغ دینا چاہندے آں۔وزیر داخلہ محسن نقوی نال برطانوی ہائی کمشنر جین میریٹ نے ملاقات کیتی، جتھے پاک-برطانیہ تعلقات تے مختلف شعبیاں وچ تعاون ودھاون اُتے گل بات ہوئی۔۔ انسداد دہشت گردی، انسداد منشیات، بارڈر سکیورٹی تے انسانی سمگلنگ دے حوالے نال اشتراک کار ودھاون اُتے وی مشاورت ہوئی۔برطانوی ہائی کمشنر جین میریٹ نے محسن نقوی نوں نشان امتیاز ملن اُتے مبارکباد دِتی تے نیک تمناماں دا اظہار کیتا۔اوہناں پاکستان وچ سیلاب تے بارشاں کارن قیمتی جاناں دے ضیاع اُتے افسوس وی کیتا تے جاں بحق افراد دے خاندان نال ہمدردی تے تعزیت دا اظہار کیتا۔محسن نقوی نے کہیا کہ پاکستان ہمیشہ امن دا داعی رہیا اے، دہشت گردی دی ہر شکل دی سخت مذمت کر دے آں۔ برطانیہ ترقی دے سفر وچ پاکستان دا اہم شراکت دار اے تے اسی باہمی مفاد دے ہر شعبے وچ برطانیہ نال دو طرفہ تعاون نوں فروغ دینا چاہندے آں۔