سہ ملکی سیریز: پاکستان تے یو اے ای آج ٹاکرا، گرین شرٹس فتح لئی پرعزم

شارجہ: سہ ملکی سیریز دے دوسرے میچ وچ اج پاکستان تے یو اے ای دا سامنا ہووے گا۔دونوں ٹیمیں شارجہ وچ ٹرائنگولر سیریز دے دوران اک دوجے دے سامنے آن گیئاں، پاکستانی ٹیم فتح لئی پُرعزم اے۔ دوسری طرف میزبان ٹیم وی بہتر کھیل پیش کرن دا ارادہ رکھدی اے۔ کپتان محمد وسیم نے آکھیا کہ ایشیا دی دو وڈیاں ٹیمیں دے خلاف کھیلنا ساڈی ترقی دے سفر وچ اک ہور سنگِ میل تے قابل فخر موقع اے۔یو اے ای دے کپتان نے آکھیا کہ اوہ افغانستان، نیوزی لینڈ تے بنگلہ دیش نوں ہرا چکے نیں۔ ایسوسی ایٹ ٹیم دے طور تے وڈیاں ٹیمیں دے خلاف کھیلنا ساڈے لئی اہم اے۔ اپنی تیاری دیکھ کے لگدا اے کہ اس سیریز وچ ساڈا کھیل وی بہتر رہے گا۔اوہناں مزید کہیا کہ اماراتی سکواڈ تجربہ کار تے نوجوان پلیئرز دا بہترین امتزاج اے، کئی ینگسٹرز بہت اچھا کھیل پیش کر رہے نیں۔ اوہناں دی کارکردگی تے تیاری دیکھ کے میں بہت خوش آں۔ میں نوں پورا اعتماد اے کہ اس سیریز وچ اساں اچھی کرکٹ کھیل کے حریفاں دا مقابلہ کران گے۔محمد وسیم نے آکھیا کہ شارجہ اک طرح توں تینوں ٹیمیں دا ہوم گراؤنڈ اے، البتہ جیویں اساں ڈیڑھ مہینے توں تیاریاں کر رے آں تے پچھلے چند برساں وچ کارکردگی دکھائی، اوہنوں دیکھ کے لگدا اے کہ اساں اچھی کرکٹ پیش کران گے۔واضح رہے کہ تین ملکی ٹی 20 سیریز دے پہلے میچ وچ پاکستان نے افغانستان نوں 39 رنز نال ہرا دتا سی۔