استاد نصرت فتح علی خان دی برسی

 کروڑاں دلاں اُتے راج کرن والے، دُنیاۓ موسیقی دے بادشاہ، شہنشاہِ قوالی استاد نصرت فتح علی خان نوں اپنے مداحاں توں بچھڑے 28 سال بیت گئے۔استاد نصرت فتح علی خان نے قوالی دے فن نوں اک نواں رنگ دِتا، اپنے منفرد اندازِ گائیکی نال نہ صرف عالمی شہرت حاصل کیتی بلکہ گنیز بُک آف ورلڈ ریکارڈ وچ اپنا ناں وی درج کروا لیا۔ اوہنیاں سُریلیاں آوازاں تے روحانی موسیقی اج وی مداحاں دے دل وچ براجمان نیں۔شہنشاہِ قوالی نے 13 اکتوبر 1948 نوں فیصل آباد دے اک قوال خاندان وچ جنم لیا۔ صرف 16 ورے دی عمر وچ قوالی دا فن سکھیا۔ قوالی دے نال نال اوہنے غزلاں، کلاسیکل تے صوفی کلام وی گایا۔ استاد نصرت فتح علی خان دے گائے ہوئے گیت پاکستان، بھارت تے دنیا دے ہَر کونے وچ گونج اُٹھے تے امر ہو گئے۔اوہ صوفیانہ کلام نوں ایس کمال مہارت نال گاندے سن کہ سنن والے وجد وچ آ جاندے سی۔ مغربی سازاں نوں قوالی وچ شامل کر ے اوہناں ایس فن نوں جدت تے اک نئی جہت بخشدی۔125 قوالی البم ریکارڈ کروا کے اوہنے اپنا ناں گنیز بُک آف ورلڈ ریکارڈ وچ درج کروایا۔ایہہ سحرانگیز آواز تے روحانی شخصیت والا فنکار گردے دی بیماری وچ مبتلا ہو گیا تے صرف 49 ورے دی عمر وچ،16 اگست 1997 وچ  اپنے چاہن والیاں نوں رُلا کے ہمیشہ لئی خاموش ہو گیا۔