اگلے حج آپریشن دی تیاری ہن ای توں شروع کیتی جائے، وزیر اعظم شہباز شریف

اگلے حج آپریشن دی تیاری ہن ای توں شروع کیتی جائے، وزیر اعظم شہباز شریف

وزیراعظم شہباز شریف نے اگلے سال دے حج آپریشن دی تیاری ہُن ای توں شروع کرن دی ہدایت جاری کر دِتی۔
وزیراعظم محمد شہباز شریف دی صدارت وچ اگلے سال دے حج انتظامات بارے جائزہ اجلاس منعقد ہویا، جتھے انہاں نے وزارتِ مذہبی امور نوں حج آپریشن دی پیشگی تیاری کرن دی ہدایت دِتی۔
شہباز شریف نے کہا کہ سعودی عرب ولوں جاری کیتی گئی حج پالیسی نوں مدِنظر رکھ کے مکمل لائحہ عمل تیار کیتا جائے۔ انہاں زور دِتا کہ اگلے سال حاجیاں دی خدمت وچ کوئی وی کوتاہی یا لاپرواہی برداشت نہیں کیتی جائے گی۔
وزیراعظم نے ایہ وی کہا کہ نجی حج سکیم نوں ریگولرائز کیتا جائے تے اگلے حج دے حوالے نال درکار مدت طے کر کے جلد مکمل منصوبہ بندی تیار کر کے پیش کیتی جائے۔
اجلاس وچ وفاقی وزرا مصدق ملک، سردار محمد یوسف تے متعلقہ اعلیٰ حکام نے شرکت کی۔