بھارت علاقے وچ دہشت گردی دا سب توں وڈا سرپرست اے، فیلڈ مارشل عاصم منیر

بھارت علاقے وچ دہشت گردی دا سب توں وڈا سرپرست اے، فیلڈ مارشل عاصم منیر

فیلڈ مارشل سید عاصم منیر نے آکھیا ہے کہ بھارت علاقے وچ دہشت گردی دا سب توں وڈا سرپرست اے۔ معرکہ حق وچ ریاست دیاں ساریاں اکائیاں نے مثالی ہم آہنگی دا مظاہرہ کیتا۔
52ویں کامن ٹریننگ پروگرام دے افسراں نال اہم خطاب دوران، فیلڈ مارشل سید عاصم منیر نے آکھیا کہ ملک دی ترقی تے کامیابی لئی عوام، حکومت تے فوجاں وچ مضبوط رشتہ بہت ضروری اے۔ ریاست دیاں ساریاں اکائیاں وچ ہم آہنگی دی بنیاد پاکستان دی انتظامیہ تے سول بیوروکریسی اے، تے ایہہ وڈی تے اہم ذمے داری تُہاڈے اُتے عائد ہُندی اے۔
اوہناں آکھیا کہ معرکہ حق وچ ریاست دیاں ساریاں اکائیاں نے مثالی اتحاد تے ہم آہنگی وکھائی۔ پاکستان نے کشمیر لائن آف کنٹرول توں لے کے سمندری کنارے تک بھارت دی بے بنیاد جارحیت دا ڈٹ کے تے مناسب جواب دِتا۔
اوہناں دا آکھنا سی کہ اللہ نے ساڈی مدد معرکہ حق وچ کیتی، کیوں جے اس لڑائی وچ اسی حق اُتے سی۔ افواجِ پاکستان دورِ حاضر دے جنگی تقاضیاں دے مطابق ہر ویلے اپنی تیاری وچ مصروف رہن دیاں نیں۔ اسی بھارت نوں صاف پیغام دینے آں کہ پاکستان نے نہ پہلے کدی بھارت دی اجارہ داری قبول کیتی تے نہ کدے کرے گا۔
فیلڈ مارشل نے آکھیا کہ دہشت گردی بھارت دا اندرونی مسئلہ اے، جو اوہدی اقلیتاں، خاص طور اُتے مسلمانہ نال متعصبانہ تے ظالمانہ سلوک دا نتیجہ اے۔ ایہ گل واضح اے کہ علاقے وچ دہشت گردی دا سب توں وڈا سرپرست بھارت اے۔ قوم دی حیثیت نال، اسی پاکستانی نہ کدی بھارت دے اگے جھکے آں تے نہ کدی جھکاں گے۔
فیلڈ مارشل سید عاصم منیر نے آکھیا کہ افغانستان ساڈا برادر پڑوسی اسلامی ملک اے تے اسی اوہناں نال چنگے تعلقات رکھنا چاندے آں، پر ساڈی صرف اک گل دی اپیل اے کہ اوہ بھارت دیاں دہشت گرد پراکسیز — "فتنہ الہندوستان” تے "فتنہ الخوارج” — نوں اپنی دھرتی تے جگہ نہ دیون۔
اوہناں آکھیا کہ ہر نظام وچ کچھ نہ کچھ مسائل تے کمزوریاں ہوندیاں نیں، پر ایہہ کمزوریاں تے منفی طاقتیں نظام تے حاوی نہ ہون دینیئں۔ جیہڑیاں قوماں اپنی تاریخ نوں بھُل جان دیاں نیں، اوہناں دا مستقبل وی تاریک ہو جاندا اے۔
فیلڈ مارشل سید عاصم منیر نے زور دتا کہ پاکستان دی کہانی تے تاریخ نوں سمجھو، سکھو تے اپنی آن والی نسلاں تک پُہنچاؤ۔ ملک نال محبت تے وفاداری سب توں پہلی تے بنیادی شرط اے۔ اپنے اندر جُرات، قابلیت تے کردار پیدا کرو — تے جے ایہناں وِچوں اک چیز نوں چننا پئے، تاں ہمیشہ کردار نوں ترجیح دو۔