بھارت نے 2030 کامن ویلتھ گیمز دی میزبانی لئی بولی دینے دا اعلان کر دِتا

نیو دہلی:  بھارت نے 2030 کامن ویلتھ گیمز دی میزبانی لئی بولی دینے دا اعلان کر دِتا اے، جس نُوں ملک دی طرفوں 2036 اولمپکس دی میزبانی دی تیاری دا اہم قدم سمجھیا جا ریا اے۔انڈین اولمپک ایسوسی ایشن دی صدر پی ٹی اوشا نے اک اعلیٰ سطحی اجلاس دے بعد میڈیا نُوں دَسیا کہ ساڈیاں تیاریاں مکمل رفتار نال آگے ودھ رہیاں نیں۔بھارتی میڈیا دے مطابق، نئی دہلی نُوں اک وار فیر میزبان شہر دے طور تے زیر غور لیا جا رہا اے، جتھے 2010 وچ وی کامن ویلتھ گیمز ہو چکیاں نیں۔ ہُن اوہ ایونٹ تعمیراتی تاخیر، ناقص سہولتاں تے بدعنوانی دے الزامات دی وجہ توں تنازعات وچ رہیا سی۔ایس دے علاوہ اوڈیشہ دے شہر بھوبنیشور تے وزیراعظم نریندر مودی دی آبائی ریاست گجرات دے شہر احمد آباد نُوں وی ممکنہ میزبان شہراں وچ شامل کیتا جا رہا اے۔احمد آباد وچ موجود 1,30,000 نشستاں والا کرکٹ سٹیڈیم، جو دنیا دا سب توں وڈا سٹیڈیم اے تے وزیراعظم نریندر مودی دے ناں تے اے، نُوں خاص اہمیت حاصل اے۔ ایہ سٹیڈیم حال ہی وچ 2023 کرکٹ ورلڈ کپ دا فائنل میزبان رہ چکیا اے۔بھارت نے پچھلے سال 2036 اولمپک گیمز دی میزبانی لئی انٹرنیشنل اولمپک کمیٹی نُوں باضابطہ خط ارادہ وی جمع کروایا سی۔ نائیجیریا سمیت کسے تھوڑے ممالک 2030 کامن ویلتھ گیمز دی میزبانی وچ دلچسپی رکھدے نیں۔آسٹریلوی ریاست وکٹوریہ مالی وجوہات دی بنا تے دستبردار ہو گئی سی، جس توں ایونٹ لئی نواں میزبان لبھنا اک چیلنج بن چکیا سی۔ ہُن گلاسگو وچ اک محدود پیمانے دا ایونٹ منعقد کرن دا اعلان ہویا اے، پر بھارت مکمل سکیل دا مقابلہ کراؤن دا عزم لے کے میدان وچ آیا اے۔انڈین اولمپک ایسوسی ایشن دی منظوری دے بعد بھارت نُوں اگست دے آخر تک باضابطہ بولی جمع کرانی اے، جدوکہ حتمی فیصلہ نومبر وچ گلاسگو وچ کیتا جائے گا۔انڈین اولمپک ایسوسی ایشن دی ایگزیکٹو کونسل دے رکن روہت راجپال دے مطابق، جے بھارت نُوں میزبانی مل گئی تاں ایہ اک مکمل سپورٹس ایونٹ ہووے گا، جس وچ اوہ کھیل وی شامل ہون گے جنہاں وچ بھارت میڈلز حاصل کرن وچ آگے رہ سکتا اے۔ایہ کھیل کبڈی، کھو کھو ورگے روایتی کھیل وی شامل نیں، جنہاں نُوں بھارت مستقبل وچ اولمپکس دا حصہ بنانے لئی وی پروموٹ کر رہا اے۔اولمپک تاریخ وچ بھارت ہُن تک صرف 10 گولڈ میڈلز جیتیا اے، جو دنیا دیاں سب توں وڈیاں آبادی والے ممالک لئی اک مایوس کن کارکردگی سمجھی جاندی اے۔