نامور گلوکارہ صنم ماروی دی صلح

نامور گلوکارہ صنم ماروی تے آرٹس کونسل آف پاکستان کراچی دے صدر احمد شاہ وچ ہون والا تنازع ختم ہو گیا۔ دونوں نے اک دوجے دیاں غلط فہماں دور کر کے صلح کر لئی۔یاد رہے کہ کجھ دن پہلاں صنم ماروی نے احمد شاہ نوں 5 کروڑ روپے ہرجانے دا نوٹس بھیجیا سی، جس وچ اوہناں اک ہفتے اندر معافی منگن دا مطالبہ کیتا سی۔ نہ معافی منگن دی صورت وچ احمد شاہ نوں ہرجانہ ادا کرن تے فوجداری مقدماں دا سامنا کرن لئی تیار رہن دی وارننگ دتی گئی سی۔صنم ماروی دی طرفوں بھیجے گئے نوٹس وچ اوہناں احمد شاہ اُتے سنگین الزامات لائے سن۔ اوہناں دا دعویٰ سی کہ 10 اگست نوں سکھر وچ سندھ حکومت دے پروگرام دوران احمد شاہ نے انہاں دی توہین کیتی، دھکے دتے، نامناسب زبان استعمال کیتی تے دھمکیاں تک دتیاں، جس نال اوہ ذہنی طور اُتے صدمے دا شکار ہوئیاں۔احمد شاہ نے ایہہ الزامات مسترد کردتے سن تے کہیا سی کہ نہ اوہناں نے دھمکیاں دتیاں، نہ توہین کیتی۔ تاہم ہُن وزیر ثقافت سید ذوالفقار علی شاہ تے لکھاری نورالہدیٰ شاہ دی مداخلت نال دونوں وچ صلح کرا دتی گئی اے تے دونوں نے اک دوجے نوں معاف کر دتا اے۔