سکیورٹی فورسز دی کارروائی، بھارت دی حمایت والے 11 خوارج ہلاک، دو جوان شہید

"سکیورٹی فورسز دی کارروائی، بھارت دی حمایت والے 11 خوارج ہلاک، دو جوان شہید
پاک فوج دے شعبہ تعلقات عامہ (آئی ایس پی آر) دے مطابق، سکیورٹی فورسز نے جنوبی وزیرستان دے علاقے سراروغہ وچ خفیہ اطلاع اُتے آپریشن کیتا۔
کارروائی دوران بھارتی حمایت یافتہ 11 خوارج جہنم واصل ہو گئے تے 7 زخمی ہوئے۔
آئی ایس پی آر دے مطابق، شدید فائرنگ دے تبادلے دوران دفاع وطن دا فریضہ انجام دیندے ہوئیاں دو بہادر سپوت شہید ہو گئے۔
شہیداں وچ میجر سید معیز عباس شاہ تے لانس نائیک جبران اللہ شامل نیں۔
میجر سید معیز عباس شاہ دا تعلق ضلع چکوال نال سی، اوہدی عمر 37 سال سی۔
میجر معیز نے 14 سالاں تک وطن عزیز دی خدمت وچ اپنی خدمات سرانجام دتیاں۔
اوہ اپنے پیچھے بیوی تے 2 بچے سوگوار چھڈ گئے نیں۔
لانس نائیک جبران اللہ دا تعلق ضلع بنوں نال سی، اوہ 26 سال دے سن تے 8 سالاں تک پاک فوج وچ خدمات انجام دتیاں۔
اوہ دے سوگواراں وچ بیوی تے 3 بچے شامل نیں۔