سانحہ سوات تے ڈی سی دی بجائے وزیر اعلیٰ گنڈا پور نوں معطل کیتا جائے: عطا تارڑ

"سانحہ سوات تے ڈی سی دی بجائے وزیر اعلیٰ گنڈا پور نوں معطل کیتا جائے: عطا تارڑ

وفاقی دارالحکومت وچ پریس کانفرنس کردے ہوئے عطار تارڑ دا کہنا سی کہ سانحہ سوات تے پوری قوم رنجیدہ اے، قدرتی آفت دوران ریلیف دینا حکومتاں دی ذمہ داری اے، بہت ویلا لگن توں بعد ریسکیو آپریشن کیتا گیا، بچے چیخ دے پکار دے رہے سن پر کوئی اوہناں دی مدد لئی نہ آیا۔
اوہناں کہیا کہ خیبر پختونخوا وچ ورک فرام اڈیالہ چل رہا اے، کیا عوام نے تہانوں اس کم لئی مینڈیٹ دتا سی؟ ایہہ اسلام آباد تے حملہ کردے نیں تے گولیاں چلا رہۓ نیں۔ علی امین گنڈا پور نے اپنا کیمپ آفس اڈیالہ جیل وچ بنا لیا اے۔
وفاقی وزیر اطلاعات دا کہنا اے کہ سانحہ سوات تے ڈپٹی کمشنر دی بجائے وزیر اعلیٰ خیبر پختونخوا نوں معطل کیتا جائے۔ سرکاری جائیداداں نوں جلاونا کوئی کارنامہ نئیں۔ ایہہ 12 سال وچ وی ریسکیو نظام نئیں بنا سکے۔ غریب عوام دا 50 کروڑ صوابدیدی فنڈ وچ ڈالا جاندا اے، سانوں پتہ اے بجٹ کس کم آندا اے۔
عطار تارڑ نے ہور کہیا کہ وزیر اعلیٰ خیبر پختونخوا کہندے نیں ایہہ میرا کم نئیں، اوہ دسّن کہ انہاں دا کم کی اے۔ واقعے توں بعد کہا جا ریا اے کہ اسی صوبے وچ تجاوزات دے خلاف آپریشن کریے گے، پر اوہناں دے صوبے دا انفراسٹرکچر زبوں حالی دا شکار اے۔ علی امین گنڈا پور مکمل طور تے ناکام ہو چکے نیں۔
وزیر مملکت قانون بیرسٹر عقیل ملک دا کہنا سی کہ سپریم کورٹ دے ججز نے مخصوص نشستاں دے 12 جولائی دے فیصلے نوں آئین وچ دوبارہ تحریر کیتا، سنی اتحاد کونسل نے مقررہ وقت تک امیدواراں دی فہرست جمع نہیں کرائی۔
اوہنے کہیا کہ جس پارٹی دا اسمبلی وچ وجود ہی نہیں اوہنوں مخصوص نشستاں کیویں دتیاں جا سکتیاں نیں۔