پاکستانتازہ ترین

شمالی وزیرستان: سکیورٹی فورسز دے قافلے اُتے حملہ، 13 جوان شہید، 14 خوارجی ہلاک ہو گئے

شمالی وزیرستان: سکیورٹی فورسز دے قافلے اُتے حملہ، 13 جوان شہید، 14 خوارجی ہلاک ہو گئے

شمالی وزیرستان: سکیورٹی فورسز دے قافلے اُتے خودکش حملہ، 13 جوان شہید، 14 خوارجی واصلِ جہنم
خیبر پختونخوا دے ضلع شمالی وزیرستان دے علاقے میر علی وچ بھارتی حمایت یافتہ خوارج دہشتگرداں نے سکیورٹی فورسز دے قافلے اُتے خودکش حملہ کیتا، جس دے نتیجے وچ 13 بہادر سپاہی جامِ شہادت نوش کر گئے۔
آئی ایس پی آر دے مطابق خودکش حملہ آور نے بارود نال بھری گاڑی قافلے دی اگلی گاڑی نال ٹکرا دِتی۔ قافلے دے آگے موجود دستے نے بروقت کارروائی کرکے دشمن دے منصوبے نوں جزوی طور تے ناکام بنایا، پر مایوسی وچ حملہ آور نے خود نوں اُڑا لیا۔
صوبیدار زاہد اقبال، حوالدار سہراب خان، حوالدار میاں یوسف، نائیک خطاب شاہ، لانس نائیک اسماعیل، سپاہی روحیل، سپاہی محمد رمضان، سپاہی نواب، سپاہی زبیر احمد، سپاہی محمد سخی، سپاہی ہاشم عباسی، سپاہی مدثر اعجاز، سپاہی منظر علی۔ شہدا وچ شامل نیں،حملے وچ 2 بچے تے اک خاتون وی شدید زخمی ہو ئے۔
جوابی کارروائی دوران سکیورٹی فورسز نے فائرنگ دے تبادلے وچ 14 خوارج نوں جہنم واصل کر دِتا۔ علاقے وچ سینیٹائزیشن آپریشن جاری اے۔
آئی ایس پی آر دے مطابق ایہ حملہ بھارت دی دہشتگرد ریاستی پالیسی دی نگرانی تے منصوبہ بندی نال کیتا گیا، جتھے فتنۂ خوارج نوں بیرونی سرپرستی حاصل اے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button