جے ایران نے جوہری تنصیبات بحال کرن دی کوشش کیتی تے دوبارہ حملہ کران گے، صدر ٹرمپ

جے ایران نے جوہری تنصیبات بحال کرن دی کوشش کیتی تے دوبارہ حملہ کران گے، صدر ٹرمپ

ایران نے جوہری تنصیبات بحال کیتیاں تے دوبارہ حملہ کران گے: صدر ٹرمپ
دی ہیگ وچ جاری نیٹو سمٹ دوران گفتگو کردے ہوئے امریکی صدر ڈونلڈ ٹرمپ نے خبردار کیتا ہے کہ جے ایران نے اپنے جوہری تنصیبات دوبارہ بحال کرن دی کوشش کی، تے امریکا ایک ہور حملہ کرے گا۔
صدر ٹرمپ نے کہا کہ جنگ بندی دوران کچھ معمولی خلاف ورزیاں ہوئیاں، پر ہُن اسرائیل تے ایران جنگ بندی دا اچھی طرح پاس رکھ رہے نیں۔ اوہناں دعویٰ کیتا کہ انہاں دے کہن تے اسرائیلی طیارے واپس بلاۓ گئے، تے اسرائیل دا جنگ توں پیچھے ہٹنا خوش آئند قدم اے۔
ٹرمپ نے دعویٰ کیتا کہ امریکا نے ایران وچ تاریخی کامیابیاں حاصل کیتیاں نیں۔ اوہناں کہا کہ فردو جوہری تنصیب مکمل تباہ ہو چکی اے، ہُن اوتھے صرف تباہی بچی اے۔ اوہناں مزید کہا کہ جنگ بندی ایران لئی وی اک طرح دی فتح اے کیوں جے انہاں دا ملک بچ گیا۔
امریکی صدر نے واضح کیتا کہ ایران نوں یورینیئم افزودگی دی اجازت ہرگز نہیں دی جا سکتی۔ اوہناں دعویٰ کیتا کہ ہُن ایران لمے عرصے تک ایٹمی مواد تیار نہیں کر سکے گا، تے جوہری ہتھیار بنانا ایران لئی بہت اوکھا ہو گیا اے۔
اک صحافی دے سوال اُتے صدر ٹرمپ نے کہا، "اسی ایران تے حملہ کر کے جنگ ختم کیتی۔ جے ہُن وی ایران نے یورینیئم افزودگی دوبارہ شروع کیتی، تے اس تے دوبارہ حملہ ہووے گا۔”
غزہ دے حوالے نال گل کردے ہوئے ٹرمپ نے کہا کہ اس معاملے وچ وی وڈی پیش رفت ہو رہی اے۔
اس موقع تے امریکی وزیر خارجہ مارکو روبیو نے وی کہا کہ امریکی حملے دے بعد ایران ہُن ایٹمی ہتھیار بناؤن توں بہت دور ہو چکیا اے، تے امریکی صدر دے اقدام نال ایران دے جوہری پروگرام نوں خاصا نقصان پہنچیا اے، جس دی مزید تفصیلات حاصل کیتیاں جا رہیاں نیں۔
نیٹو سمٹ وچ گفتگو دوران سیکرٹری جنرل نیٹو نے وی ایہ گل کہی کہ صدر ٹرمپ نے نیٹو ممبر ملکاں نوں اپنے دفاعی اخراجات وادھاؤن تے آمادہ کر لیا اے۔
واضح رہے کہ کل صدر ٹرمپ نے ایران تے اسرائیل دے درمیان جنگ بندی دا اعلان کیتا سی تے سوشل میڈیا تے پیغام وی دتا سی کہ "جنگ بندی دا آغاز ہو چکیا اے، براہِ کرم اس دی خلاف ورزی نہ کرو۔”