آئی سی سی ون ڈے رینکنگ وچ پاکستان ٹیم دی تنزلی

آئی سی سی ون ڈے رینکنگ وچ پاکستان ٹیم دی تنزلی
انٹرنیشنل کرکٹ کونسل (آئی سی سی) نے نئی ون ڈے انٹرنیشنل رینکنگ جاری کر دتی اے۔
آئی سی سی دی جاری کردہ نئی ون ڈے رینکنگ وچ پاکستان اک درجے گر کے 3465 پوائنٹس نال چوتھے توں پنجویں نمبر تے آگیا اے، سری لنکن کرکٹ ٹیم 4009 پوائنٹس نال پاکستان نوں پیچھے چھڈ کے چوتھی پوزیشن سنبھال لئی اے۔
ویسٹ انڈیز دی ٹیم اک درجے ترقی کرکے نویں نمبر تے پہنچ گئی اے، جدوں کہ بنگلہ دیش اک درجے تنزلی دے نال دسویں نمبر تے آ گیا اے۔
بھارت 4471 پوائنٹس نال بدستور پہلی پوزیشن تے قبضہ رکھدا اے، نیوزی لینڈ 4160 پوائنٹس نال دوسرے، آسٹریلیا 3473 پوائنٹس نال تیسرے نمبر تے، جنوبی افریقہ چھٹے تے افغانستان ستویں نمبر تے موجود نیں۔