رونالڈو نے جارجینا نوں شادی دی پیشکش کر دتی، انگوٹھی دی قیمت سن کے ہوش اُڑ جان گے

رونالڈو نے جارجینا نوں شادی دی پیشکش کر دتی، انگوٹھی دی قیمت سن کے ہوش اُڑ جان گے!

فٹبال دی دنیا دے سپر اسٹار کرسٹیانو رونالڈو نے آخرکار اپنی دیرینہ گرل فرینڈ جارجینا روڈریگز نوں شادی دی پیشکش کر دتی۔
31 سالہ ہسپانوی ماڈل جارجینا نے انسٹاگرام تے اک تصویر شیئر کیتی جس وچ اوہ تے رونالڈو اپنے ہتھاں وچ انگوٹھی پائے نظر آ رہے نیں۔ اوہناں نے لکھیا
"میں ہاں کہہ دی، اس زندگی وچ وی تے اپنی ہر زندگی وچ وی
غیر ملکی میڈیا دے مطابق، رونالڈو نے جارجینا نوں اوول کٹ ڈائمنڈ انگوٹھی دے نال پرپوز کیتا، جس دی قیمت 4 ملین امریکی ڈالر (تقریباً 11 کروڑ روپے پاکستانی) توں وی وادھ دسی جا رہی اے۔
رپورٹاں مطابق، ایہ پہلا موقع نہیں اے جدو جارجینا نے انگوٹھی دی تصویر سوشل میڈیا تے پوسٹ کیتی ہووے۔ اس توں پہلاں وی اوہ کئی واری مبہم کیپشن نال انگوٹھیاں دیاں تصویراں شیئر کر چکی اے۔
میڈیا رپورٹس وچ ایہ وی آکھیا گیا اے کہ 2020 وچ رونالڈو نے جارجینا نوں مشہور برانڈ "کارٹیئر دی انگوٹھی تحفے وچ دتی سی، جس دی قیمت تقریباً 6 لاکھ 15 ہزار پاؤنڈز سی۔
یاد رہے، رونالڈو تے جارجینا 2016 توں اکٹھے نیں۔ اوہناں دیاں 2 بیٹیاں نیں – 7 سالہ عالیانہ تے 2 سالہ بیلا – جدو کہ رونالڈو دے کل ملا کے 5 بچے نیں۔