کرکٹ جنوبی افریقا نے 2027 دے آئی سی سی ون ڈے ورلڈ کپ دے وینیوز دا اعلان کر دِتا۔ایہہ اعلان ورلڈ کپ لئی لوکل آرگنائزنگ کمیٹی دی تشکیل دے موقعے اُتے کیتا گیا۔2027 ورلڈ کپ دے کُل 54 وچوں 44 میچز جنوبی افریقا وچ کھیلے جان گے، جتھے 8 وینیوز میچز دی میزبانی کرن گے۔جوہانسبرگ، پریٹوریا، کیپ ٹاؤن، ڈربن، بلوئم فونٹین، ایسٹ لندن، پارل تے کمبرہا نوں ورلڈ کپ میچز دی میزبانی دِتی گئی اے، جدو کہ باقی 10 میچز زمبابوے تے نمیبیا وچ کھیلے جان گے۔ایہہ پہلا موقع اے کہ نمیبیا کرکٹ ورلڈ کپ دی میزبانی کرے گا، جدکہ زمبابوے اس توں پہلاں 2003 وچ وی شریک میزبان رہ چُکیا اے۔ جنوبی افریقا نوں وی 2003 توں بعد اک وار فیر ورلڈ کپ دی میزبانی دا موقع ملیا اے۔شائقین کرکٹ ایس تاریخی ٹورنامنٹ دا بےصبری نال انتظار کر رہے نیں جتھے دنیا دیاں بہترین ٹیمہں اک وار فیر عالمی ٹائٹل لئی پنجہ آزمائی کرن گیاں۔واضح رہے کہ 2027 ورلڈ کپ دی میزبانی مشترکہ طور اُتے جنوبی افریقا، نمیبیا تے زمبابوے کرن گے۔ ون ڈے ورلڈ کپ 2027 اکتوبر تے نومبر وچ کھیلیا جائے گا۔
