آئی سی سی نے انٹرنیشنل کرکٹ وچ نئے قانون متعارف کرا دتے نیں
آئی سی سی نے انٹرنیشنل کرکٹ وچ نئے قانون متعارف کرا دتے نیں
انٹرنیشنل کرکٹ کونسل (آئی سی سی) نے مینز انٹرنیشنل کرکٹ لئی اپنے قوانین وچ کئی تبدیلیاں منظور کر لیاں نیں۔
کرکٹ ویب سائٹ ’کرک انفو‘ دی رپورٹ مطابق، آئی سی سی نے وائٹ بال کرکٹ توں بعد ہُن ٹیسٹ کرکٹ وچ وی ’سٹاپ کلاک‘ متعارف کرانے دا فیصلہ کیتا اے۔ نال ای نواں قانون اے کہ جان بوجھ کے گیند تے تھوک مارن تے فوراً گیند بدلنی ضروری نئیں۔
ایناں قوانین وچ باؤنڈری تے کیچ نال متعلق نواں قانون وی شامل اے تے ون ڈے میچاں وچ 35ویں اوور توں بعد صرف اک گیند استعمال کرن دا فیصلہ وی کیتا گیا اے۔ کچھ تبدیلیاں پہلے ہی 2023-24 ورلڈ ٹیسٹ چیمپئن شپ نال لاگو ہو چکیاں نیں، تے وائٹ بال قوانین 2 جولائی توں نافذ ہون گے۔
______________
ٹیسٹ کرکٹ وچ ’سٹاپ کلاک‘
سلو اوور ریٹ دے مسئلے نوں ٹھیک کرن لئی، ہُن ٹیسٹ کرکٹ وچ وی ’سٹاپ کلاک‘ لگائی گئی اے۔
نواں قانون اے کہ فیلڈنگ ٹیم نوں ہر اوور دے آخر وچ اک منٹ دے اندر نواں اوور شروع کرنا پئے گا۔ جے ایہ نہ ہویا، تے امپائر دو واری وارننگ دیوے گا۔ جے ایہ گل دوجی واری وی نہ مانی گئی، تے بولنگ ٹیم تے 5 رنز دی سزا لگے گی۔ ہر 80 اووراں توں بعد وارننگز ری سیٹ ہو جان گی۔
______________
جان بوجھ کے توک لا کے گیند گیند بدلنا لازمی نئیں
جےچہ تھوک مارن تے پابندی اے، پر ہُن ایہ ضروری نئیں کہ تھوک مارن نال فوراً گیند بدلی جائے۔ ایہ اس لئی اے تاکہ ٹیمز جان بوجھ کے گیند بدلوان لئی تھوک نہ مارن۔
گیند صرف اوہدوں بدلی جائے گی جے اوہدی حالت وِچ واضح فرق آ جائے (جیویں بہت زیادہ گیلی ہو جانا یا زیادہ چمکدار ہو جانا)، ایہ فیصلہ مکمل طور تے امپائر تے منحصر ہوگا۔
جے امپائر فیصلہ کرے کہ تھوک نال گیند تے اثر نئیں پیا، تاں گیند نہیں بدلی جائے گی، چاہے بعد وچ اوہ سوئنگ نہ کرے۔ پر اس صورت وچ بیٹنگ ٹیم نوں 5 رنز دتے جان گے۔
______________
ڈی آر ایس وچ تبدیلی
جے اک بلے باز نوں کیچ آؤٹ قرار دتا گیا تے اوہ ریویو لایا، تے الٹرا ایج توں پتہ لگیا کہ گیند صرف پیڈ نوں لگیا اے بیٹ نوں نئیں، ہُن امپائر بال ٹریکنگ دے ذریعے ایل بی ڈبلیو چیک کرے گا کہ بلے باز آؤٹ اے کہ نئیں۔
پرانے قانون دے مطابق جے کیچ آؤٹ غلط ہوندا، تے ایل بی ڈبلیو چیک کردے ہوئے ’اصل فیصلہ‘ نوں ناٹ آؤٹ سمجھیا جاندا سی، تے جے امپائرز کال آ جاندی تاں بلے باز بچ جاندے۔
پر ہُن نواں قانون اے کہ ایل بی ڈبلیو لئی بال ٹریکنگ وچ ’اصل فیصلہ‘ آؤٹ سمجھی جائے گی، ایس لئی جے بال ٹریکنگ امپائرز کال کردے تے وی بلے باز آؤٹ ہووے گا۔
