آسٹریلیا نے جنوبی افریقا نوں ہرادتا

 آسٹریلیا نے تیجے  تے فیصلہ کن ٹی 20 میچ وچ جنوبی افریقہ نوں شکست دے کے تین میچاں دی سیریز 2-1 نال اپنے ناں کر لئی۔آسٹریلیا نے جنوبی افریقہ ولوں دتے گئے 173 رنز دے ہدف نوں سنسنی خیز مقابلے دے بعد آخری اوور وچ 8 وکٹاں دے نقصان اُتے حاصل کر لیا۔ گلین میکسویل نے 62 رنز دی ناقابلِ شکست اننگز کھیڈی، جدو کہ مچل مارش نے 54، ٹریوس ہیڈ نے 19، ٹم ڈیوڈ نے 17 تے کیمرون گرین نے 9 رنز بنائے۔ایس توں پہلا آسٹریلیا دے شہر کیرنز وچ ہون والے ایس تیجے  تے فیصلہ کن میچ وچ آسٹریلوی کپتان مچل مارش نے ٹاس جت کے مہمان ٹیم جنوبی افریقہ  نوں پہلے بیٹنگ دی دعوت دِتی۔جنوبی افریقہ نے پہلے بیٹنگ کردے ہوۓ 7 وکٹاں دے نقصان اُتے 172 رنز بنائے۔آسٹریلیا نے ایہہ 3 میچاں اُتے مشتمل سیریز 2-1 نال اپنے ناں کیتی۔ پہلے میچ وچ آسٹریلیا نے جنوبی افریقہ نوں 17 رنز نال ہرا دِتا سی، جدو کہ دوسرا میچ جنوبی افریقہ نے 53 رنز نال جت لیا سی۔