انٹرا سکواڈ پریکٹس میچ! آغا الیون نے صائم الیون نوں 4 وکٹاں نال ہرا دتا

دبئی:  پاکستان کرکٹ ٹیم دے ایشیا کپ دیاں تیاریواں دے سلسلے وچ کھیڈے گئے دوجے پریکٹس میچ وچ سلمان آغا الیون نے صائم ایوب الیون نوں 4 وکٹاں نال شکست دتی۔صائم ایوب الیون نے پہلے بیٹنگ کردے ہوئے مقررہ اوورز وچ 136 رنز بنائے۔ فہیم اشرف 23 گینداں اُتے 41 تے فخر زمان 27 گینداں اُتے 30 رنز نال نمایاں رہے۔سلمان آغا الیون دی طرفوں سپنر ابرار احمد نے شاندار بولنگ کیتی تے 3 کھلاڑیاں نوں پویلین بھیج دتا۔ہدف دے تعاقب وچ آغا الیون نے جارحانہ کھیل پیش کیتا۔ حسن نواز نے 19 گینداں اُتے 42 رنز دی تیز اننگز کھیلی، کپتان سلمان علی آغا نے 23 گینداں اُتے 30 رنز جوڑے، جدو کہ محمد حارث 18 گینداں اُتے 32 رنز بنا کے ناٹ آؤٹ رہے۔صائم ایوب الیون دی طرفوں شاہین شاہ آفریدی تے صائم ایوب نے 2، 2 وکٹاں حاصل کیتیاں۔ پاکستان ٹیم آج آرام کرے گی، اگلا پریکٹس سیشن کل شیڈول اے۔