کیویز نوں وڈا جھٹکا! 4 اہم کھلاڑی آسٹریلیا دے خلاف ٹی 20 سیریز توں باہر

کرائسٹ چرچ: نیوزی لینڈ کرکٹ ٹیم نوں ہوم سیزن توں پہلاں وڈا دھچکا لگیا۔ مچل سینٹنر، گلین فلپس، فن ایلن تے وِل اورورکی آسٹریلیا خلاف ٹی 20 سیریز توں باہر ہو گئے۔نیوزی لینڈ کرکٹ مطابق فاسٹ بولر وِل اورورکی دے سکین وچ کمر دا سٹریس فریکچر سامنے آیا اے۔ اوہ کٹّو کٹ 3 مہینے لئی کرکٹ توں باہر رہن گے تے اس دوران سٹرینتھ اینڈ کنڈیشننگ اُتے کم کرن گے۔ اوہ انگلینڈ تے ویسٹ انڈیز خلاف سیریز وچ وی نئیں کھیل سکّن گے۔گلین فلپس وی گروئن انجری کارن آسٹریلیا خلاف چیپل ہیڈلی سیریز توں باہر ہو گئے۔ اوہنوں ری ہیب دی ضرورت اے۔ فن ایلن دے پُٹھے دی سرجری ہوئی اے تے اوہ 3 مہینے تک ایکشن توں دور رہن گے۔وائٹ بال ٹیم دے کپتان مچل سینٹنر گروئن دی تکلیف کارن دی ہنڈرد لیگ چھوڑ کے واپس آ گئے نیں۔ اوہنوں پیٹ دی سرجری وی کروانی پے گی تے ریکوری وچ اک مہینہ لگے گا۔یاد رہے کہ آسٹریلیا تے نیوزی لینڈ وچ چیپل ہیڈلی ٹی 20 سیریز یکم توں 4 اکتوبر تک کھیڈی جاوے گی۔