"فتنہ ہندوستان دے دہشگرداں دا انجام عبرتناک موت اے”: محسن نقوی، سرفراز بگٹی

"فتنہ ہندوستان دے دہشگرداں دا انجام عبرتناک موت اے”: محسن نقوی، سرفراز بگٹی
"پاکستان دشمن عناصر لئیے زمین تنگ کر دتی گئی اے، فتنہ ہندوستان دے دہشت گرداں دا انجام عبرتناک موت ہووے گا”: محسن نقوی
وفاقی وزیر داخلہ محسن نقوی نے کہیا اے کہ پاکستان دشمن عناصر دے لئیے ملک دی زمین تنگ کر دتی گئی اے، تے فتنہ ہندوستان دے دہشت گرداں نوں عبرتناک موت ملے گی۔
اوہ کوئٹہ وچ وزیر اعلیٰ بلوچستان میر سرفراز بگٹی دے نال امن و امان بارے اعلیٰ سطح دے اجلاس دی صدارت کر رہے سن۔ اجلاس وچ امن و امان دی مجموعی صورتحال، فتنہ ہندوستان دے خلاف جاری سکیورٹی کارروائیاں، صوبائی ایکشن پلان تے اس دے نفاذ وچ حائل رکاوٹاں دا تفصیلی جائزہ لیا گیا۔
"پاکستان دشمن عناصر دی کوئی گنجائش نئیں، تے سکیورٹی فورسز تے عوام دیاں قربانیاں ہرگز رائگاں نئیں جان گیاں۔”
وزیر داخلہ نے واضح کیتا کہ:”دہشت گرداں نوں ہن ملک وچ کہیں وی چھپنے دی جگہ نئیں لبھے گی، پاکستان دہشت گردی دے مکمل خاتمے لئی پُرعزم اے تے وفاقی حکومت بلوچستان حکومت دے نال مکمل تعاون کرے گی۔”
محسن نقوی دا کہنا سی کہ
"بھارت دے سپانسر کردہ دہشت گرداں تے اوہناں دے سہولت کاراں نوں انجام تک پہنچایا جائے گا، تے ریاست دی رٹ نوں چیلنج کرن والے عناصر نال آہنی ہتھاں نال نپٹا جائے گا۔”
اس موقعے تے وزیر اعلیٰ بلوچستان میر سرفراز بگٹی نے کہیا:
"ریاستی ادارے مکمل ہم آہنگی دے نال بلوچستان وچ قیام امن لئی سرگرم عمل نیں، تے دہشت گردی تے سب ورژن وچ ملوث عناصر خلاف کارروائیاں مزید تیز کر دتیاں گئی نیں۔”
اوہناں دا مزید کہنا سی کہ :
"ایہہ جنگ صرف سکیورٹی فورسز دی نئیں، بلکہ پوری قوم دی جنگ اے، تے اس جنگ وچ اسی ہر قیمت تے امن قائم کران گے۔”