دھرمی برقرار، سندھ طاس معاہدہ بحال نہ کرن دا اعلان کر دتا
بھارت دی حکومت دی ہٹ دھرمی برقرار، سندھ طاس معاہدہ بحال نہ کرن دا اعلان
بھارتی وزیر داخلہ امیت شاہ نے بھارتی میڈیا نال گل بات دوران کہا ہے کہ بھارت، پاکستان نال سندھ طاس معاہدہ کدے وی بحال نہیں کرے گا۔ اوہناں دعویٰ کیتا کہ پاکستان ول جان والا پانی ہُن بھارت دے اندرونی استعمال لئی منتقل کیتا جائے گا۔
امیت شاہ نے مزید آکھیا کہ "جو پانی ہُن پاکستان جا ریا اے، اوہنوں اک نہر بنا کے راجستھان ول موڑ دِتا جائے گا۔ پاکستان نوں اوہ پانی نہیں ملے گا جس تے اوہدا کوئی حق نہیں۔”
یاد رہے کہ 22 اپریل نوں مقبوضہ کشمیر دے علاقے پہلگام دے سیاحتی مقام تے فائرنگ دے واقعے وچ 26 افراد ہلاک تے لگ بھگ اک درجن زخمی ہو گئے سن، جس توں بعد بھارت نے بغیر کسی ثبوت دے پاکستان اُتے الزام تراشی شروع کر دِتی تے سندھ طاس معاہدہ نوں یکطرفہ طور تے معطل کر دِتا۔
پاکستان دا مؤقف اے کہ سندھ طاس معاہدہ پاکستان تے بھارت دے درمیان اک دوطرفہ عالمی معاہدہ اے، جِنہوں بھارت یکطرفہ طور تے ختم نہیں کر سکدا۔
ایہ معاہدہ 1960 وچ عالمی بینک دی ثالثی وچ طے پایا سی، تے ایہدی کسی وی قسم دی تبدیلی صرف دونے ممالک دی رضامندی نال ہی ممکن اے۔
