ملک وچ مون سون دیاں بارشاں دا آغاز
ملک وچ مون سون دیاں بارشاں دا آغاز، جڑواں شہراں وچ میہہ نال ہر پاسا جل تھل ہو گیا۔

ملک وچ مون سون دیاں بارشاں دا آغاز، جڑواں شہراں وچ میہہ نال ہر پاسا جل تھل ہو گیا۔
وفاقی دارالحکومت اسلام آباد تے راولپنڈی وچ صبح سویرے توں موسلادھار بارش ہوئی، جِس نال نشیبی علاقے تے سڑکاں پانی نال بھر گئیاں۔ نالہ لئی وچ وی پانی دی سطح بلند ہون لگی اے، تے بارش دا سلسلہ وقفے وقفے نال جاری اے۔
ادھر پنجاب دے مختلف شہراں وچ وی بادل برس پئے نیں، گجرات تے گوجرخان وچ وی بارش ہوئی۔
صوبائی دارالحکومت لاہور وچ بادل چھا گئے نیں، جدویں فیصل آباد، گوجرانوالہ تے ہور شہراں وچ وی بارش دی پیشگوئی کیتی گئی اے۔
محکمہ موسمیات دے مطابق ایہہ مون سون سیزن معمول توں 25 فیصد ودھ بارشاں لے کے آ سکدا اے، خاص طور تے پنجاب وچ بارشاں دی شدت زیادہ ہووے گی، جِس نال شہری سیلاب (اربن فلڈنگ) دا خدشہ وی پیدا ہو گیا اے۔
ادھر آزاد جموں تے کشمیر دے مختلف علاقے وی وقفے وقفے نال گرج چمک نال بارشاں وچ بھیگ رہے نیں۔ مظفرآباد تے گرد و نواح وچ موسم خوشگوار ہو گیا اے، جدویں وادی لیپہ دے کئی حصے وچ وی بارش ہوئی اے۔ بالائی علاقوں وچ موسم ٹھنڈا ہون لگ پیا اے۔
محکمہ موسمیات نے خیبر پختونخوا تے بلوچستان وچ وی موسلادھار بارش دی پیشگوئی جاری کیتی اے۔