پاکستان دا ایران تے اسرائیل دے وچکار جنگ بندی دا خیرمقدم۔

پاکستان دا ایران تے اسرائیل دے وچکار جنگ بندی دا خیرمقدم۔
اقوام متحدہ دی سلامتی کونسل دے اجلاس وچ پاکستانی مندوب عاصم افتخار نے خطاب کردے ہوۓ کہا کہ پاکستان ایرانی جوہری پروگرام تے مذاکراتی عمل دی حمایت کردا اے۔ اوہناں نے کہا کہ مذاکرات تے سفارتکاری ای اگے ودھن دا واحد راستہ نیں، پر اسرائیل نے ایہہ جوہری مذاکرات سبوتاژ کیتے۔
عاصم افتخار نے مزید کہا کہ اسرائیل نے ایران تے غیر قانونی حملے کیتے نیں، ایس طرح دے اقدامات توں پرہیز کرنا چاہیدا اے جو حالات نوں ہور کشیدہ کرن۔ اوہناں دسیا کہ تنازعے دے پرامن حل لئی کئی اجلاس ہو چکے نیں تے پاکستان نے موجودہ صورتحال اُتے صاف موقف اپنایا اے۔
اوہناں ایہ وی کہا کہ پاکستان دی قیادت نے کشیدگی ختم کرن لئی کئی ملکاں نال رابطے کیتے نیں۔ نالے ایہ مطالبہ وی کیتا کہ آئی اے ای اے (بین الاقوامی ایٹمی توانائی ایجنسی) نوں اپنی ذمے داریاں پوری طریقے نال نبھانی چاہیدیاں نیں۔