امریکی صدر ٹرمپ دا ایوان وچ مواخذہ کرن دی کوشش ناکام

امریکی صدر ٹرمپ دا ایوان وچ مواخذہ کرن دی کوشش ناکام
کانگرس دی منظوری توں بغیر ایران نال جنگ وچ امریکہ نوں دھکیلن تے صدر ٹرمپ دے خلاف مواخذے دی کوشش ناکام بنا دتی گئی۔
صدر ٹرمپ دے خلاف مواخذے دی تحریک ڈیموکریٹ رکن کانگرس آل گرین نے پیش کیتی، جس وچ ایہ دعویٰ کیتا گیا سی کہ ٹرمپ نے ایران تے حملے لئی صدارتی اختیارات دا غلط استعمال کیتا۔
ایہ تحریک پیش کرن لئی ٹیکساس دے رکن اسمبلی دی قرارداد تے خود ڈیموکریٹس وی تقسیم دکھائی دتے۔ کئی ڈیموکریٹک اراکین نے صدر ٹرمپ تے تنقید کیتی، پر اکثریت نے مواخذے دی حمایت نہیں کیتی۔
نتیجے وچ، مواخذے دی قرارداد 79 ووٹاں دے مقابلے وچ 344 ووٹاں نال مسترد کر دتی گئی۔ 128 ڈیموکریٹس نے وی ری پبلکنز دا ساتھ دتا، تاکہ قرارداد پیش نہ ہو سکے۔
قرارداد پیش کردے ہوۓ رکن کانگرس آل گرین نے کہا کہ اوہ اس قدم نوں خوشی نال نہیں اٹھا رہے، پر کسی اک فرد نوں 30 کروڑ لوکاں تے حکمرانی دا اختیار نہیں ہونا چاہیدا۔ اوہناں کہیا کہ کانگرس دی منظوری توں بغیر جنگ وچ شامل ہونا آئین دی توہین اے۔
آل گرین نے کہا کہ اوہنے ایہ قدم اس لئی چکیا کیوں کہ ہن فیصلہ ہونا چاہیدا کہ آئین اک معنے رکھدا اے یا بےمعنی ہو چکیا اے۔
آل گرین صدر ٹرمپ دے سخت مخالفاں وچوں نیں تے اوہناں دے مطابق ڈونلڈ ٹرمپ امریکہ نوں آمریت ول لے جا رہے نیں۔ اوہناں نے مواخذے دی کوشش ایہ سوچ کے کیتی کہ تاریخ وچ ایہ گل درج ہووے کہ وائٹ ہاؤس دے اقدامات تے کم از کم اک کانگرس ممبر نے نظر رکھی ہوئی سی۔