ایران تے اسرائیل دی جنگ بندی وچ پاکستان نے بہت ہی مؤثر کردار ادا کیتا اے، وزیراعظم شہباز شریف
ایران تے اسرائیل دی جنگ بندی وچ پاکستان نے بہت ہی مؤثر کردار ادا کیتا اے، وزیراعظم شہباز شریف
وزیراعظم شہباز شریف نے آکھیا ہے کہ ایران تے اسرائیل دی جنگ بندی وچ پاکستان نے انتہائی مؤثر کردار ادا کیتا تے مستقل طور تے ایران دی حمایت کیتی۔
وفاقی کابینہ دے اجلاس وچ اظہارِ خیال کردے ہوئے وزیراعظم نے آکھیا کہ بجٹ اُتے بہت محنت کیتی گئی اے، میں وزیر خزانہ دا شکریہ ادا کرنا واں۔ نائب وزیراعظم تے حلیف جماعتاں دی بجٹ وچ کیتی گئی محنت قابلِ تعریف اے، میں اس حوالے نال صدر آصف زرداری تے بلاول بھٹو دا وی شکر گزار آں۔
وزیراعظم شہباز شریف نے ہور آکھیا کہ پاکستان نے پرزور تے مستقل انداز وچ ایران دی حمایت کیتی، تے ایران نے صدر آصف زرداری، میرا تے فیلڈ مارشل دا ناں لے کے شکریہ ادا کیتا۔
شہباز شریف دا کہنا سی کہ ایرانی قوم نے وڈی جرات تے بہادری دا مظاہرہ کیتا، ایران نے اسرائیل نوں اپنے دفاع وچ پورا جواب دتا تے آکھیا کہ جنگ بڑے باوقار طریقے نال ختم ہوئی۔ پاکستان نے ایہہ جنگ بندی کروان وچ بہت مؤثر کردار ادا کیتا۔ میری سعودی ولی عہد تے ایرانی صدر نال وی گل بات ہوئی۔ سعودی عرب نے وی اس جنگ بندی وچ کردار ادا کیتا۔
وزیراعظم نے دسے آ کہ امریکی صدر نال ملاقات توں بعد آرمی چیف فیلڈ مارشل عاصم منیر دی استنبول وچ ایرانی وزیر خارجہ نال تفصیلی ملاقات ہوئی۔
اوہناں آکھیا کہ امریکی صدر نے فیلڈ مارشل دی کھلے دل نال تعریف کیتی تے صدر ٹرمپ وی فیلڈ مارشل عاصم منیر دیاں صلاحیتاں دے معترف نیں۔
