آسٹریلیا نے ویسٹ انڈیز دے خلاف پہلا ٹیسٹ 159 رنز نال جِت لیا

"آسٹریلیا نے ویسٹ انڈیز دے خلاف پہلا ٹیسٹ 159 رنز نال جِت لیا”
آسٹریلیا نے ویسٹ انڈیز نوں پہلے ٹیسٹ وچ 159 رنز نال ہرا کے سیریز وچ برتری حاصل کر لئی۔
میچ دے تیسرے دن 301 رنز دے تعاقب وچ ویسٹ انڈیز دی ٹیم دوسری اننگز وچ صرف 141 رنز تے آؤٹ ہو گئی۔ آسٹریلیا دے فاسٹ باؤلر جوش ہیزل وڈ نے شاندار باؤلنگ کر کے 43 رنز دے عوض 5 وکٹاں حاصل کیتیاں۔
اس توں پہلاں آسٹریلیا نے دوسری اننگز وچ 310 رنز بنائے، جس وچ ٹریوس ہیڈ نے 61، بیو ویبسٹر نے 63 تے ایلکس کیری نے 65 رنز بنا کے نمایاں کارکردگی دکھائی۔
ویسٹ انڈیز دی طرفوں شمر جوزف نے 5 وکٹاں لیں تے میچ وچ کل ملا کے 9 شکار کیتے، پر ٹیم دی ناقص فیلڈنگ نے انہاں دی محنت ضائع کر دتی۔
ویسٹ انڈیز دی ٹیم وچ شائی ہوپ، جسٹن گریوز تے شمر جوزف نے کچھ مزاحمت کیتی، پر ٹیم ہدف دے قریب نہ پہنچ سکئی۔ آسٹریلیا دی طرفوں سپنر نیتھن لائن نے آخری 2 وکٹاں حاصل کیتیاں۔
آسٹریلیا دی ٹیم پہلی اننگز وچ 180 رنز تے آؤٹ ہو گئی سی، جدو کہ ویسٹ انڈیز نے اپنی پہلی اننگز وچ 190 رنز بنائے سن۔ دونوں ٹیمہاں دے درمیان تین میچاں دی سیریز دا دوسرا ٹیسٹ 3 جولائی نوں سینٹ جارج وچ کھیلیا جائے گا، تے تیسرا ٹیسٹ 12 جولائی توں شیڈول ہے۔