سرحداں اُتے خطرات تے پیچیدہ ہائبرڈ چیلنجز دے سامنے، باہمی فوجی تعاون نہایت ضروری اے، فیلڈ مارشل
"سرحداں تے خطرات تے پیچیدہ ہائبرڈ چیلنجز دے سامنے، باہمی فوجی تعاون دی اشد ضرورت اے”: فیلڈ مارشل سید عاصم منیر
اسلام آباد وچ علاقائی چیفس آف ڈیفنس اسٹاف کانفرنس دا انعقاد ہویا، جس دا موضوع "روابط دی مضبوطی، امن دا تحفظ” رکھیا گیا۔ ایہ کانفرنس پاک فوج دے شعبہ تعلقات عامہ (آئی ایس پی آر) دی زیرِ نگرانی ہوئی، جتھے امریکہ، قازقستان، کرغزستان، تاجکستان تے ازبکستان دی اعلیٰ فوجی قیادت نے شرکت کیتی۔
فیلڈ مارشل سید عاصم منیر نے دفاعی وفود دا پرتپاک خیرمقدم کیتا تے پاکستان دی طرفوں خطے وچ امن، استحکام تے مثبت روابط دے عزم نوں دہرایا۔
اپنے خطاب وچ فیلڈ مارشل نے آکھیا”ایس دور وچ، جتھے سرحداں توں ماورا خطرات تے ہائبرڈ چیلنجز درپیش نیں، اوتھے افواج دے درمیان گہرا تعاون، سٹریٹجک مکالمہ تے باہمی اعتماد پہلے توں کہیں وادھ ضروری ہو گیا اے۔”
اوہناں ایہ وی واضح کیتا کہ پاکستان اپنے شراکت دار ممالک نال مل کے اک محفوظ تے خوشحال خطے دی تشکیل لئی پُرعزم اے۔آئی ایس پی آر دے مطابق، ایہ تاریخی کثیرالطرفہ کانفرنس علاقائی سلامتی، دفاعی سفارتکاری تے سٹریٹجک تعاون وچ اک وڈی پیشرفت اے۔
کانفرنس وچ اعلیٰ سطح تے علاقائی سلامتی دی صورتحال تے تفصیلی مکالمہ ہویا، وسطی تے جنوبی ایشیا وچ بدل دے ہوئے سٹریٹجک حالات تے وی گفتگو ہوئی۔
شرکا نے مشترکہ سکیورٹی خطرات، دہشت گردی، سائبر عدم تحفظ تے انتہا پسندی دا مقابلہ کرن دا اجتماعی عزم دہرایا، تے قومی خودمختاری تے باہمی احترام دے اصولاں تے اتفاق کیتا۔
کانفرنس وچ شریک وفود نے پاکستان دی دفاعی قیادت تے مہمان نوازی دی تعریف کیتی تے پاکستان دی کوششاں نوں سراہیا۔
آئی ایس پی آر دے مطابق، ایہ سٹریٹجک ہم آہنگی پاکستان دے محفوظ، مربوط تے تعاون پر مبنی خطے دے ویژن دی عکاسی اے، جتھے پاکستان مشترکہ سلامتی مفادات تے علاقائی یکجہتی نوں اولین ترجیح دیندا اے۔
