پنجاب دیاں جھیلاں نُوں سیاحت دے مراکز بنا رہے آں: مریم نواز شریف

لاہور: وزیراعلیٰ پنجاب مریم نواز شریف نے آکھیا اے کہ جھیلاں ساڈی ثقافت، سیاحت تے ماحول دی پہچان نیں، پنجاب دیاں جھیلاں نُوں سیاحت دے مراکز بنا رہے آں۔جھیلاں دے عالمی دن اُتے اپنے پیغام وچ وزیر اعلیٰ مریم نواز شریف دا کہنا سی کہ جھیلاں قدرت دا حُسن تے حیاتیاتی زندگی دا استعارہ نیں۔ جھیلاں پانی، حیاتیاتی تنوع تے ماحول دی ضامن نیں۔اُنہاں نے آکھیا کہ خوشاب، کلر کہار تے ہور علاقیاں دیاں قدرتی جھیلاں نُوں محفوظ تے اپ گریڈ کیتا جا رہا اے۔مریم نواز دا ہور کہنا سی کہ جھیلاں دا قدرتی ماحول محفوظ رکھنا اولین ترجیح اے۔ پنجاب سیاحتی ترقی تے قدرتی توازن نال اگے ودھ رہا اے۔ بہتر مستقبل لئی جھیلاں نُوں محفوظ رکھنا ساڈے سبھ دیاں ذمہ داری اے۔