نواز شریف نوں مائنس کرن والے، آج آپے مائنس ہو گئے نیں: مریم نواز

نواز شریف نوں مائنس کرن والے، آج آپے مائنس ہو گئے نیں: مریم نواز

وزیراعلیٰ پنجاب مریم نواز شریف نے آکھیا کہ "جہیڑے آکھدے سن نواز شریف مائنس، آج اوہ آپے مائنس ہو گئے نیں۔ اُنہاں نوں کسے نے مائنس نہیں کیتا، بلکہ اپنی ناقص کارکردگی دی وجہ توں اوہ مائنس ہو گئے نیں۔
پنجاب اسمبلی وچ اظہارِ خیال کردے ہوئے مریم نواز نے آکھیا، "میری بہن علیمہ خان نے آپ ہی آکھ دتا کہ بانی مائنس ہو چکے نیں۔ آج اسی نئیں، بانی دیاں بہناں خود مائنس دی گل کر رہیاں نیں۔”اوہناں جنوبی پنجاب دے حوالے نال آکھیا کہ "اس خطے دے ناں تے کدے حکومتاں بنائیاں گئیاں تے کدے گرا دتیاں گئیاں، پر ساڈے ورگے نے صرف وعدے نئیں، بلکہ عمل کر کے دِکھایا۔”
وزیراعلیٰ دے خطاب دوران اپوزیشن نے شور شرابا کیتا، جس اُتے مریم نواز نے آکھیا، "لگے رہن، اوہناں دے حق نوں تسلیم کردیاں آں۔”
مریم نواز نے ہفتے توں صاف پانی دے سب توں وڈے منصوبے دا آغاز جنوبی پنجاب توں کرن دا اعلان کیتا۔ اوہناں آکھیا کہ "میرا مقابلہ ہور کسی نال نئیں، بلکہ اپنی جماعت دے بڑیاں نال اے، جِنہاں وچ نواز شریف تے شہباز شریف شامل نیں۔”
اوہناں آکھیا، "ساڈی حکومت نے اقلیت کارڈ تے کسان کارڈ جاری کیتے، تے پنجاب وچ ہر گاؤں، ہر تحصیل نوں برابر سمجھیا۔ عوام نوں انہاں دا حق انہاں دی دہلیز تے پہنچایا جا ریا اے۔”
مریم نواز نے تاریخی بجٹ دی منظوری تے ارکانِ اسمبلی نوں خراجِ تحسین پیش کیتا تے آکھیا، "اسی 5335 ارب دا سب توں منظم تے ٹیکس فری بجٹ پیش کیتا اے۔ بھارت دے خلاف فتح تے میں پورے پاکستان، پارلیمنٹیرینز تے عوام نوں مبارکباد دیندی آں۔”
اوہناں وزیراعظم شہباز شریف تے افواجِ پاکستان نوں وی خراجِ تحسین پیش کیتا تے اسرائیل دے ایران اُتے حملے دی شدید مذمت کیتی۔ "پاکستان اک پرامن ریاست اے، جڑی امن دے اصولاں اُتے قائم اے، تے ایرانی عوام نال ساڈی مکمل یکجہتی اے۔”
اوہناں مزید آکھیا کہ "پچھلے 30 سال توں پنجاب دا جڑا ڈومیسٹک قرضہ سی، اوہ تقریباً ختم ہو چکیا اے۔ ساڈی حکومت نے کسے نواں ٹیکس نئیں لایا بلکہ ٹیکس نیٹ نوں وسیع کیتا، جِنالے ریونیو وچ نمایاں اضافہ ہویا۔”