اسرائیل نے غزہ سٹی دے جنوبی زیتون علاقے دیاں ساریاں عمارتاں مسمار کر دِتیاں

غزہ:  غزہ دی سول ڈیفنس دے مطابق، اسرائیلی زمینی کارروائی دوران غزہ سٹی دے زیتون محلے دے جنوبی حصے وچ اک وی عمارت سلامت نئیں بچی۔سول ڈیفنس نے آکھیا کہ اسرائیل نے رواں مہینے دے آغاز وچ غزہ سٹی اُتے قبضے لئی زمینی کارروائی شروع کیتی سی، جس توں بعد زیتون دے علاقے وچ 1,500 توں ودھ مکان تباہ کیتے گئے۔ریسکیو سروس دے ترجمان محمود بصل نے انادولو نیوز ایجنسی نوں دسیا کہ محلے دے جنوبی حصے وچ ہُن کوئی وی عمارت باقی نئیں بچی۔ اسرائیلی ہتھیاراں نے علاقے وچ تباہی دی شدت نوں ہور ودھا دِتا اے۔اوہناں دسیا کہ اسرائیلی فوج نے تعمیراتی مشینری نال نال بم نال لیس روبوٹس دا وی استعمال کیتا، جیہڑے روزانہ سات مقامات اُتے دھماکے کر دے نیں، جدوں کہ ڈرونز راہیں مکاناں دیاں چھتاں اُتے دھماکہ خیز مواد سٹیا جاندا اے۔اوہناں ہور کہیا کہ اiس منظم تباہی کارن زیتون دے 80 فیصد رہائشی اپنے علاقے نوں چھڈ کے مغربی یا شمالی غزہ سٹی وال ہجرت کرن اُتے مجبور ہو گئے نیں۔