بروقت اقدام نہ ہُندے تاں سیلاب نال تباہی ہور ودھدی: مریم نواز

لاہور: وزیراعلیٰ پنجاب مریم نواز شریف نے کہیا اے کہ جے بروقت اقدام نہ ہُندے تاں سیلاب نال تباہی ہور ودھدی، اللہ تعالیٰ نے وڈے نقصان توں بچا لَیا اے۔دریائے راوی دے دورے دے موقعے تے وزیراعلیٰ مریم نواز نے آکھیا کہ ساڈے 3 دریاواں وچ پانی دا سخت دباؤ اے، انتظامیہ تے ریسکیو اداریاں نے بھرپور کم کیتا اے۔ بروقت قدم نہ چُکدے تاں سیلاب نال تباہی ہور ودھدی۔اوہناں نے کہیا کہ پنجاب دے کئی حصے وچ موسلادھار بارشاں ہوئیاں، اللہ تعالیٰ نے وڈے نقصان توں بچا لَیا۔ پنجاب دی انتظامیہ نے 50 ہزار توں ودھ بندیاں نوں محفوظ مقام اُتے پہنچایا۔ گجرات، نارووال تے سیالکوٹ وچ صورتحال کافی خراب سی۔اس توں پہلاں وزیراعلیٰ پنجاب مریم نواز نے دریائے راوی دا دورہ کیتا تے سیلابی صورتحال دا جائزہ لَیا۔وزیراعلیٰ مریم نواز کشتی وچ سوار ہو کے شاہدرہ دے مقام دا جائزہ لیندا وقت سینئر وزیر مریم اورنگزیب تے وزیر اطلاعات پنجاب عظمیٰ بخاری وی نال سن۔ اس موقعے تے موجود حکام نے وزیراعلیٰ پنجاب نوں بریفنگ دِتی۔