اسرائیلی جارحیت نال خطے دے امن نوں سنگین خطرے لاحق ہو گئے نیں،اسحاق ڈار
نائب وزیراعظم تے وزیر خارجہ اسحاق ڈار نے کہا اے کہ اسرائیلی جارحیت نال خطے دے امن نوں شدید خطرے لاحق ہو گئے نیں۔
اسلامی تعاون تنظیم (او آئی سی) دے وزرائے خارجہ دے اجلاس وچ نائب وزیراعظم تے وزیر خارجہ اسحاق ڈار نے خطاب کیتا۔
اوہناں نے اپنے خطاب وچ کہا کہ استنبول وچ شاندار مہمان نوازی تے ترک صدر رجب طیب اردوان تے ہور قیادت دے شکر گزار آں۔
اسحاق ڈار نے کہا کہ امت مسلمہ نوں اس وقت کئی وڈے چیلنجاں دا سامنا اے، انہاں مسائل توں نمٹن لئی ساڈے نوں اکٹھے ہو کے کم کرنا پئے گا، امید اے کہ او آئی سی ایس حوالے نال بھرپور کردار ادا کرے گی۔
اوہناں نے دسے کہ اج وی مقبوضہ فلسطین وچ لاکھاں لوگ شدید مشکلات وچ نیں، اسلاموفوبیا روکنے لئی ساڈے نوں مل کے ٹھوس اقدامات کرنے پین گے۔
نائب وزیراعظم تے وزیر خارجہ نے مشرق وسطیٰ وچ ودھدی کشیدگی تے شدید تشویش دا اظہار کیتا تے کہیا کہ اسرائیلی جارحیت نال خطے دا امن شدید خطرے وچ پے گیا اے۔
اسحاق ڈار نے کہیا کہ اسرائیلی حملے دے نتیجے وچ ہزاراں عورتاں تے بچے شہید ہو چکے نیں، اسی غزہ وچ فوری تے بغیر کسی شرط دے جنگ بندی دا مطالبہ کردے آں۔
اوہناں نے ہور کہیا کہ اسرائیل دے اقدامات عالمی قوانین دی کھلی خلاف ورزی نیں، پاکستان علاقائی امن تے استحکام لئی ہَر ممکن قدم چُک ریا اے۔
آخر وچ اسحاق ڈار نے کہا کہ بھارت ولوں پاکستان دے حصے دا پانی روکنا کدے وی قابلِ قبول نہیں، خطے وچ دیرپا امن لئی مسئلہ کشمیر دا حل نہایت ضروری اے۔
