اسلام آباد 2022دے سیلاب: جنیوا ڈونرز کانفرنس وچ 11 ارب ڈالر دی فنانسنگ وچ منصوبہ بندی 

اسلام آباد: 2022 دے سیلاب توں بعد جنیوا ڈونرز کانفرنس وچ پاکستان لئی اعلان کیتی گئی 11 ارب ڈالر دی فنانسنگ وچ ہن تک واضح منصوبہ بندی تے ہدف حاصل کرن دی کمی اے۔ تین سال توں ودھ عرصے وچ پاکستان نُوں مجموعی طور تے صرف 4 ارب 69 کروڑ ڈالر موصول ہو سکے نیں۔دستاویزات  دے  مطابق موصول ہون والی فنانسنگ وچوں 2 ارب 75 کروڑ ڈالر پراجیکٹس لئی استعمال ہوۓ، جدوکہ اک ارب 93 کروڑ ڈالر کموڈیٹی خریداری لئی استعمال کیتے گئے۔رواں مالی سال لئی جنیوا کانفرنس دے تحت اک ارب 26 کروڑ ڈالر دی فنانسنگ دا ہدف مختص کیتا گیا اے، جس وچوں 76 کروڑ ڈالر توں ودھ پراجیکٹ فنانسنگ دا تخمینہ لگایا گیا اے۔یاد رہے کہ جنیوا ڈونرز کانفرنس وچ پاکستان نُوں مجموعی طور تے 10 ارب 98 کروڑ ڈالر دیاں پلیجز ملیاں سن، پر سیلاب دے نقصانات لئی اعلان کیتیاں 54 کروڑ ڈالر دیاں گرانٹس وچوں صرف 21 لاکھ ڈالر امداد پاکستان نُوں موصول ہو سکی۔ماہرین دے مطابق زیادہ تر رقم باہمی تے کثیرالجہتی معاہدیاں دے تحت طویل مدتی بنیاداں تے مختلف شرح سود نال پاکستان نُوں فراہم کیتی جائے گی۔