اسرائیل دہشت گرد ریاست اے، مسلمان آپس دے اختلافات ختم کرکے اک ہو جان،ترک صدر
اسرائیل دہشت گرد ریاست اے، مسلمان آپس دے اختلافات ختم کرکے اک ہو جان،ترک صدر
استنبول وچ او آئی سی دے خصوصی اجلاس وچ خطاب کردیاں ہویاں ترکی دے صدر طیب اردوان نے آکھیا کہ اسرائیل دہشتگرد ریاست اے، نیتن یاہو ہٹلر ورگا پورے خطے نوں تباہی دی طرف لے جانا چاہندا اے۔ ایس لئی مسلمانوں دا اتحاد وقت دی سب توں وڈی لوڑ اے تے ایہہ وقت اے کہ اپنے اختلافات نوں ختم کرکے اک ہوجان۔
وزرائے خارجہ دے دو دنہ اجلاس وچ خطاب کردے ہوئے ترک صدر رجب طیب اردوان نے آکھیا کہ اسرائیل غزہ وچ فلسطینی لوکاں تے حملے کر ریا اے تے مسلسل خطے نوں عدم استحکام وچ مبتلا کر ریا اے، ایس گل دی پوری امید اے کہ ایہ جنگ ایران جیتے گا۔
اوہناں نے آکھیا کہ نیتن یاہو دی حکومت خطے وچ امن دے رستے وچ سب توں وڈی رکاوٹ اے، اسرائیل نے یمن، لیبیا تے شام اُتے جارحیت کرن دے بعد ایران اُتے وی حملہ کیتا اے۔ اسرائیل دی ایران اُتے جارحیت دی سخت مذمت کردے آں، ترک لوک ایرانی بہن بھائیوں دے نال کھڑے نیں۔
طیب اردوان نے آکھیا کہ مسلمانوں دا اتحاد وقت دی سب توں بڑی لوڑ اے، ایس وقت اے کہ اپنے اختلافات ختم کرکے اک ہوجائیں، خطے نوں ہور تباہی توں بچانا بہت ضروری اے۔ عالمی برادری نوں چاہیدا اے کہ اوہ اسرائیلی جارحیت نوں روکنے وچ کردار ادا کرے۔ اسرائیلی حملے خطے نوں تباہی دی طرف لے جا رہے نیں۔ اسرائیل تے ایران دے درمیان ودھدی ہوئی کشیدگی نوں روکنا بہت ضروری اے۔
ترک صدر نے ہور کہیا کہ اسرائیل پورے خطے وچ اپنا تسلط قائم کرنا چاہندا اے تے اسرائیل دے ہتھ مسلمانان دے خون نال رنگے ہوئے نیں۔ نیتن یاہو ہٹلر ورگا اے جو پورے خطے نوں تباہی دی طرف لے جانا چاہندا اے۔ اسرائیل ایہہ جنگ پورے خطے وچ پھیلانا چاہندا اے۔ ایس مسئلے دا حل سفارت کاری تے مذاکرات وچ اے۔ ساڈا خطہ ہور جنگ یا عدم استحکام برداشت نہیں کر سکدا۔
