بھارت نے نئی دہلی وچ پاکستانی ہائی کمیشن دے سفارتکاراں نوں ہراساں کرنا شروع کر دتا اے۔

بھارت نے نئی دہلی وچ پاکستانی ہائی کمیشن دے سفارتکاراں نوں ہراساں کرنا شروع کر دتا اے۔
ذرائع دے مطابق، 4 پاکستانی سفارتکاراں نوں گھر خالی کرن دا نوٹس جاری کیتا گیا اے، جڑے نجی کرائے دیاں رہائشاں وچ رہ رہے نیں۔
ذرائع آکھدے نیں کہ ایہ نوٹس انہاں دے مالک مکان کی طرفوں کانٹریکٹ دی مدت ختم ہون توں پہلے جاری کیتے گئے نیں۔
مزید ذرائع نے دسیا اے کہ سفارتکاراں دی مسلسل نگرانی کیتی جا رہی اے تے انہاں دے گھراں دی گیس تے انٹرنیٹ دیاں سہولتاں وی وقتاً فوقتاً بند کیتیاں جا رہیاں نیں۔
ذرائع مطابق، سفارتکاراں سمیت 17 اسٹاف ارکان دے بھارتی ویزے وی توسیع دے انتظار وچ نے، جو بھارتی وزارت خارجہ وچ التوا دا شکار نیں۔ 17 پاکستانی اہلکاراں لئی 3 توں 5 مہینے پہلاں ویزے وچ توسیع دی درخواست دتی گئی سی۔
نئی دہلی وچ پاکستانی ہائی کمیشن دا پانی وی بند کر دتا گیا اے تے ڈیڑھ مہینے توں بھارتی اخبارات دی ترسیل وی رک گئی اے۔
ذرائع نے آکھیا اے کہ پاکستانی ہائی کمیشن نے ایہ ساری صورتحال وزارت خارجہ دے حکام نوں آگاہ کر دتی اے۔