نائیجیریا وچ مسجد دے احاطے وچ نماز دوران فائرنگ کر دِتی گئی۔فائرنگ نال 27 نمازی شہید ہو گئے تے کئی زخمی ہوئے۔ اطلاع ملدے ہی پولیس دی وڈی نفری تے امدادی ٹیماں موقعے اُتے پہنچ گئیاں۔ شہید ہون والے نمازی تے زخمیاں نوں فوری طور تے ہسپتال منتقل کیتا گیا جتھے کئی زخمیاں دی حالت نازک دسّی جا رہی اے۔پولیس نے واقعے دی تفتیش شروع کر دِتی، ہور پاسے حملے دی ذمہ داری ہن تک کسے نے قبول نئیں کیتی۔ایہہ وی واضح رہے کہ نائیجیریا دی شمال مغربی ریاست کدونا وچ وی نامعلوم مسلح افراد نے مسجد وچ داخل ہو کے نمازیاں اُتے اندھا دُھند فائرنگ کیتی سی، جِس نال 7 نمازی شہید تے کئی زخمی ہوئے سن۔ریاست کدونا دے دُور دُراز گاؤں دی مسجد وچ فائرنگ اُس ویلے کیتی گئی جدوں وڈی تعداد وچ نمازی عبادت کر رہے سن۔ حملہ آور ساری کارروائی سکون نال کرکے فرار ہو گئے سن۔
