جماعت نہم دا رزلٹ

پنجاب دے تعلیمی بورڈاں نے 9ویں جماعت دے سالانہ امتحاناں دے نتائج دا اعلان کر دِتا۔لاہور بورڈ آف انٹرمیڈیٹ اینڈ سیکنڈری ایجوکیشن دے سیکرٹری رضوان نذیر تے کنٹرولر امتحانات توصیف الرحمان نے نہم دے سالانہ امتحان دے نتائج دا اعلان کیتا۔

لاہور

کنٹرولر امتحانات لاہور بورڈ دے مطابق نویں جماعت دے امتحان وچ 3 لاکھ 8 ہزار 73 طلبہ شریک ہوئے، جنہاں وچوں 1 لاکھ 38 ہزار 894 کامیاب قرار پائے۔ لڑکیاں دی کامیابی دی شرح 53.83 فیصد رہی، جدکہ لڑکیاں دی کامیابی دی شرح 35.33 فیصد رہی۔ مجموعی طور اُتے کامیابی دا تناسب 45.08 فیصد رہا۔سائنس گروپ وچ 2 لاکھ 35 ہزار 247 طلبہ شریک ہوئے، جنہاں وچوں 1 لاکھ 11 ہزار 681 کامیاب ہوئے۔ سائنس گروپ وچ کامیابی دی شرح 47.47 فیصد رہی۔ آرٹس گروپ وچ 72 ہزار 826 طلبہ شریک ہوئے، جنہاں وچوں 27 ہزار 213 کامیاب قرار پائے، آرٹس گروپ وچ کامیابی دا تناسب 37.37 فیصد رہا۔

ملتان

بورڈ آف انٹرمیڈیٹ اینڈ سیکنڈری ایجوکیشن ملتان نے نویں جماعت دے سالانہ امتحانات 2025ء دے نتائج جاری کر دِتے نیں۔ امتحاناں وچ کُل 1 لاکھ 44 ہزار 775 امیدوار شریک ہوئے۔ جاری کردہ اعدادوشمار دے مطابق 75 ہزار 438 کامیاب ہوئے، یوں کامیابی دا مجموعی تناسب 52.11 فیصد رہا۔

سرگودھا

بورڈ آف انٹرمیڈیٹ اینڈ سیکنڈری ایجوکیشن سرگودھا نے وی جماعت نہم دے سالانہ امتحان 2025ء دے نتائج دا اعلان کر دِتا۔امتحاناں وچ کُل 1 لاکھ 12 ہزار 492 امیدوار شریک ہوئے، جنہاں وچوں 52 ہزار 166 کامیاب قرار پائے۔ کامیابی دا تناسب 46.37 فیصد رہا۔

فیصل آباد

بورڈ آف انٹرمیڈیٹ اینڈ سیکنڈری ایجوکیشن فیصل آباد نے نویں جماعت دے سالانہ امتحانات 2025ء دے نتائج دا اعلان کر دِتا۔ امتحاناں وچ کُل 2 لاکھ 5 ہزار 182 امیدوار شریک ہوئے، جنہاں وچوں 1 لاکھ 57 ہزار 569 کامیاب ہوئے۔ کامیابی دا تناسب 51.55 فیصد رہا۔