وزیراعظم اقتصادی تعاون تنظیم دے سربراہ اجلاس وچ شرکت لئی آذربائیجان پہنچ گئے

وزیراعظم اقتصادی تعاون تنظیم دے سربراہ اجلاس وچ شرکت لئی آذربائیجان پہنچ گئے

وزیراعظم شہباز شریف دو دن دے دورے تے آذربائیجان پہنچ گئے

ترجمان دے مطابق وزیراعظم شہباز شریف دورے دوران اقتصادی تعاون تنظیم دے 17ویں سربراہی اجلاس وچ پاکستانی وفد دی قیادت کرن گے، سمٹ وچ علاقائی تے عالمی چیلنجز اُتے پاکستان دا موقف پیش کرن گے۔
نائب وزیراعظم تے وزیر خارجہ اسحاق ڈار، وفاقی وزیر اطلاعات و نشریات عطاء اللہ تارڑ تے معاون خصوصی طارق فاطمی وزیراعظم دے نال وفد وچ شامل نیں۔
وزیراعظم شہباز شریف آذربائیجان وچ ای سی او سربراہی اجلاس وچ حصہ لیں گے، تے وزیراعظم دی ایران، آذربائیجان، ازبکستان تے ترکی دے سربراہاں نال ملاقاتاں وی متوقع نیں۔
وزیراعظم شہباز شریف ای سی او ویژن 2025 لئی پاکستان دے عزم دا اعادہ کرن گے۔
ترجمان نے آکھیا کہ وزیراعظم ای سی او رکن ممالک دے رہنماں نال دو طرفہ ملاقاتاں وی کرن گے، جِس وچ علاقائی تجارت، توانائی تے رابطے دے فروغ اُتے زور دِتا جائے گا۔