امریکی صدردا فیلڈ مارشل دے اعزاز وچ ظہرانہ

امریکی صدردا فیلڈ مارشل دے اعزاز وچ ظہرانہ پاک امریکہ تعلقات وچ اک مثبت قدم اے،بلاول بھٹو دا کہنا اے پاکستان نہ تے لڑائی چاہندا اے، نہ ہی مذاکرات دی بھیک منگدا اےپاک بھارت تنازعے دا کوئی فوجی حل نہیں،آگے ودھن دا رستہ نیک نیتی نال ہون والی سفارتکاری وچ اے، انکار وچ نہیں ۔ بلاول بھٹو نے آکھیا پنج روزہ جنگ وچ پاکستان نے فیصلہ کن کامیابی حاصل کیتی۔افسوس ناک گل اے کہ بھارت نے امریکا دی قیادت وچ ہون والی امن کوششاں نوں رد کیتا۔بھارت ولوں پانی نوں بطور ہتھیار ورتنا اک خطرناک روش اے۔کشمیر وچ ظلم، جبر تے دہشتگردی نوں سیاسی ہتھیار بنا کے ورتنا وی اک غیر پائیدار تے خطرناک پالیسی اے۔ساڈی پوزیشن واضح اے امن، دونوں ملکاں دے مفاد وچ اے۔