ٹرمپ دا فیر پاکستان–بھارت جنگ وچ 7 طیارے ڈھاہے جان دا ذکر

واشنگٹن:امریکی صدر ڈونلڈ ٹرمپ آکھیا اے کہ جدوں اوہنے مئی دے مہینے وچ پاکستان تے انڈیا دے درمیان ہون والی مختصر جنگ رکوائی، اوس وقت تک سات جیٹ طیارے مار ڈھائے جا چکے سن۔وائٹ ہاؤس وچ میڈیا نال گَل بات کردے ہوئے ٹرمپ نے فیر دعویٰ کیتا کہ اوہنے صدر دا عہدہ سنبھالن توں بعد کئی جنگاں رکوائیاں، جِنہاں وچ انڈیا–پاکستان دی جنگ سب توں وڈی ہو سکدی سی۔اوہنے آکھیا کہ بھارت تے پاکستان دی جنگ اک ہور ہی سطح اُتے سی، جیہڑی ایٹمی جنگ وچ بدل سکدی سی۔ سات طیارے پہلے ہی مار ڈھائے گئے سن، جنگ بہت زوراں اُتے سی۔ٹرمپ نے ایہہ نہیں دسیا کہ کِس ملک نے کِنّے جہاز مار ڈھائے۔اوہنے فیر آکھیا کہ میں دونوں ملکاں نوں پیشکش کیتی: "تُسی تجارت کرنا چاہندے او؟ جے لڑدے رہو گے تاں نہ ساڈے نال تجارت ہوسی تے نہ کوئی ہور کم۔” میں آکھیا تُہاڈے کول 24 کنٹے نیں، اوس تے بھارت تے پاکستان جنگ روک لئی راضی ہو گئے۔ٹرمپ نے دسیا کہ جنگاں رکواؤن لئی جو وی کرنا پیا، میں کیتا۔ اسی کئی جنگاں روکیاں جیہڑیاں لوکاں نوں لگدا سی کہ نہیں رک سکدیاں۔یاد رہے کہ پاکستان نے دعویٰ کیتا سی کہ فضائی جھڑپاں دوران اوہنے 3 بھارتی رافیل سمیت 5 انڈین طیارے مار ڈھائے۔بھارت–پاکستان جنگ توں لگ بھگ 3 مہینے بعد انڈین فضائیہ دے سربراہ اے پی سنگھ نے دعویٰ کیتا کہ "آپریشن سندور” دوران بھارت نے پاکستان دے 5 لڑاکا طیارے تے اک بڑا طیارہ مار ڈھایا، پر ایہہ دعویٰ بھارتی میڈیا نے وی قبول نہ کیتا۔ایس وقت جدوں ٹرمپ روس–یوکرین جنگ ختم کران دی کوشش وچ مصروف نیں، اوہ اکثر اپنے دوجے صدارتی دور وچ امن مذاکرات دیاں کامیابیاں دا ذکر کردے نیں۔18 اگست نوں وائٹ ہاؤس وچ ٹرمپ نے دعویٰ کیتا کہ "میں 6 جنگاں ختم کروا چکیا ہاں، تے ایہہ سارے معاہدے بنا لفظ جنگ بندی استعمال کیتے کیتے گئے۔” اگلے دن ایہہ تعداد 7 جنگاں تک پہنچ گئی۔ٹرمپ انتظامیہ مطابق، جیہڑی اوہناں دیاں "رکوائیاں” جنگاں دی لسٹ وی پیش کر چکی اے، ٹرمپ نوں "پیس میکر ان چیف” ہون دے ناطے امن دا نوبل انعام مل جانا چاہیدا۔