وزیراعظم نے سعودی ولی عہد نال رابطہ کیتا، سعودی عرب دی خود مختاری تے سالمیت دی مکمل حمایت دا اعادہ کیتا۔
وزیراعظم نے سعودی ولی عہد نال رابطہ کیتا، سعودی عرب دی خود مختاری تے سالمیت دی مکمل حمایت دا اعادہ کیتا۔
وزیر اعظم شہباز شریف نے سعودی ولی عہد شہزادہ محمد بن سلمان نال ٹیلی فونک رابطہ کیتا تے پاک بھارت حالیہ کشیدگی وچ سعودی حمایت دا شکریہ ادا کیتا، نالے سعودی عرب دی خود مختاری تے سالمیت دی مکمل حمایت دا اعادہ وی کیتا۔
اعلامیے مطابق، ٹیلی فونک رابطے وچ وزیراعظم نے سعودی فرمانروا شاہ سلمان بن عبدالعزیز لئی نیک تمنائیں وی بھیجیاں۔
وزیراعظم نے سعودی ولی عہد نوں کامیاب حج انتظامات تے مبارکباد دتی تے پاکستانی حجاج کرام دی میزبانی اُتے سعودی حکومت دا شکریہ ادا کیتا۔
وزیراعظم نے پاک بھارت حالیہ کشیدگی وچ سعودی حمایت تے شکریہ ادا کیتا تے بھارت نال تمام تنازعات اُتے بامعنی مذاکرات لئی آمادگی دا اعادہ کیتا۔ اوہناں مسئلہ کشمیر، پانی، تجارت تے دہشت گردی ورگیاں اہم گلّاں اُتے گل بات تے زور دتا۔
وزیراعظم نے ایران اسرائیل تنازع دے فوری خاتمے تے مذاکرات نال حل دی حمایت وی کیتی تے عالمی قوانین تے اقوام متحدہ دے چارٹر دی پاسداری اُتے زور دتا۔
وزیراعظم نے سعودی عرب دی خود مختاری تے سالمیت دی مکمل حمایت دا اعادہ کیتا تے علاقائی امن لئی سعودی قیادت دیاں کوششاں نوں سراہیا۔
اعلامیے دے مطابق سعودی ولی عہد نے وزیراعظم شہباز شریف دی یکجہتی تے شکریہ ادا کیتا تے مشرق وسطیٰ وچ دیرپا امن لئی سعودی عزم دا اعادہ کیتا۔
سعودی ولی عہد نے حالیہ تنازع دے پرامن حل وچ پاکستان دے تعمیری کردار دی وی تعریف کیتی۔
________________________________________
