چین توں 100 الیکٹرک بساں آج پاکستان روانہ ہون گیاں: وزیراعلیٰ پنجاب مریم نواز
وزیراعلیٰ پنجاب مریم نواز شریف نے اعلان کیتا اے کہ چین توں 100 جدید الیکٹرک بساں پنجاب لئی روانہ ہون لگیاں نیں، جو آج رات تک یانٹائی بندرگاہ توں پاکستان روانہ ہو جان گیاں۔
سماجی رابطے دی ویب سائٹ ایکس (سابق ٹوئٹر) تے اپنے پیغام وچ مریم نواز نے آکھیا کہ ایہ بساں پنجاب دے اوہ اضلاع وچ بھیجیاں جا رہیاں نیں، جتھے ہن تک پبلک ٹرانسپورٹ دا باقاعدہ نظام موجود نہیں سی۔جہنیاں وچ میانوالی، اوکاڑہ، ننکانہ صاحب، مظفرگڑھ، وہاڑی، پاکپتن تے ڈیرہ غازی خان شامل نیں
وزیراعلیٰ پنجاب نے آکھیا کہ کرایہ صرف 20 روپے ہووے گا،بساں ماحول دوست، اےئر کنڈیشنڈ تے وائی فائی نال لیس ہون گیاں،مکمل خودکار ٹکٹنگ سسٹم نال آراستہ ہون گیاں،خصوصی افراد لئی قابلِ رسائی ڈیزائن رکھن گیاں
مریم نواز دا کہنا سی کہ ایہ اقدام شہریاں نوں محفوظ، آرام دہ تے باعزت سفری سہولت مہیا کرے گا، تے پنجاب وچ جدید ٹرانسپورٹ نظام دی بنیاد رکھے گا۔
