عافیہ صدیقی دے کیس بارے میرے بیان نوں سیاق و سباق توں ہٹ کے پیش کیتا جا ریا اے: اسحاق ڈار
عافیہ صدیقی دے کیس بارے میرے بیان نوں سیاق و سباق توں ہٹ کے پیش کیتا جا ریا اے: اسحاق ڈار
نائب وزیراعظم تے وزیر خارجہ اسحاق ڈار نے آکھیا اے کہ ڈاکٹر عافیہ صدیقی دے کیس بارے میرے بیان نوں سیاق و سباق توں ہٹ کے پیش کیتا جا ریا اے، حالانکہ حکومت ہر طرح دی سفارتی تے عدالتی معاونت فراہمی کر رہی اے تے کر دی رہے گی۔
سماجی رابطے دی ویب سائٹ "ایکس” اُتے جاری بیان وچ نائب وزیراعظم اسحاق ڈار نے آکھیا کہ میرے گزشتہ روز اٹلانٹک کونسل تھنک ٹینک واشنگٹن وچ عمران خان دے کیس بارے سوال دے جواب وچ ڈاکٹر عافیہ صدیقی دے کیس نوں سیاق و سباق توں ہٹ کے پیش کیتا جا ریا اے۔
اوہناں آکھیا کہ مسلم لیگ (ن) دی حکومتاں دے دوراں وچ ہمیشہ ڈاکٹر عافیہ صدیقی دی رہائی لئی مکمل سفارتی تے عدالتی مدد فراہم کیتی گئی اے تے آئندہ وی کیتی جائے گی، جدوں تک رہائی دا مسئلہ حل نہیں ہو جاندا۔
اسحاق ڈار نے آکھیا کہ ہر ملک دے اپنے عدالتی تے قانونی طریقے ہوندے نیں جنہاں دا احترام کیتا جاندا اے، چاہے اوہ پاکستان ہووے یا امریکا۔
نائب وزیراعظم نے مزید آکھیا کہ ڈاکٹر عافیہ صدیقی دی رہائی دے معاملے اُتے ساڈی حکومت دا موقف دوٹوک تے بالکل واضح اے۔
