سینٹرل کنٹریکٹس 26-2025 دا اعلان

پاکستان کرکٹ بورڈ (پی سی بی) نے 26-2025 سیزن لئی سینٹرل کنٹریکٹس دا اعلان کر دتا۔ قومی ٹیم دا کوئی وی کھلاڑی اے کیٹیگری لئی اہل نہ ہو سکیا، جسدی وجہ توں  بورڈ نے اے کیٹیگری ہی ختم کر دتی۔نویں سینٹرل کنٹریکٹس مطابق ایس وار 30 کھڈاریاں  نوں کنٹریکٹ دتے گئے نیں، جیہڑے یکم جولائی 2025 توں 30 جون 2026 تک مؤثر رہنگے۔گزشتہ سال 27 کھڈاری  کنٹریکٹ یافتہ سن، پر ایس وار تعداد ودھ کے 30 ہو گئی اے، جدوں کہ 12 نویں کھڈاری  پہلی واری شامل ہوئے نیں۔ انہاں وچ احمد دانیال، فہیم اشرف، حسن علی، حسن نواز، حسین طلعت، خوشدل شاہ، محمد عباس آفریدی، محمد حارث، محمد نواز، صاحبزادہ فرحان، سلمان مرزا تے صفیان مقیم شامل نیں۔پی سی بی مطابق اے کیٹیگری ختم کر دتی گئی اے، ہُن پرفارمنس دی بنیاد اُتے کھڈاریاں نوں بی، سی تے ڈی کیٹیگری وچ تقسیم کیتا گیا اے، ہر کیٹیگری وچ 10-10 کھلاڑی رکھے گئے نیں۔ ایس وار اے کیٹیگری وچ کوئی وی کھڈاری شامل نہیں، پچھلے سال بابر اعظم تے محمد رضوان اے کیٹیگری وچ سن۔نسیم شاہ بی توں سی کیٹیگری وچ چلے گئے نیں۔ٹیسٹ کپتان شان مسعود بی توں ڈی کیٹیگری وچ آ گئے نیں۔اوپنر فخر زمان دی بی کیٹیگری وچ واپسی ہوئی اے۔