ساڈے ہر صوبے دے شہری بھارت دی جارحیت دا مقابلہ کرن لئی تیار نیں، بلاول بھٹو

ساڈے ہر صوبے دے شہری بھارت دی جارحیت دا مقابلہ کرن لئی تیار نیں، بلاول بھٹو

چیئرمین پاکستان پیپلز پارٹی بلاول بھٹو زرداری نے آکھیا ہے کہ ساڈے ملک دے ہر صوبے دے شہری بھارت دی جارحیت دا مقابلہ کرن لئی تیار نیں۔
اندرون سندھ دے علاقے بھٹ شاہ وچ شاہ لطیف ایوارڈ دی تقریب نوں خطاب کردے ہوئیاں، بلاول بھٹو زرداری نے آکھیا کہ اساں سارے شاہ عبداللطیف بھٹائی دے مانن والے آں۔
اوہناں نے تقریب دے شرکا نوں آکھیا کہ بھارت نال جنگ ساڈے ولوں شروع نہیں ہوئی، پر مکائی اساں کیتی۔ پاکستان دیاں مسلح افواج نے بھارت نوں تاریخی جواب دتا۔ مودی نوں دسنا چاندے آں کہ اساں پیچھے ہٹن والے نہیں، اساں کدے وی نہیں جھکدے۔
چیئرمین پیپلز پارٹی نے آکھیا کہ سندھ طاس معاہدے دی خلاف ورزی دا جہیڑا اعلان بھارت نے کیتا اے، اوہ اس خطے دا سب توں وڈا فیصلہ اے۔ جدو وی ایہو جیہی صورت حال بنی اے، ایہداں دے لوک سندھو نوں بچاؤن لئی کھڑے ہو گئے نیں، بھارت اکیلے سندھ طاس معاہدہ ختم نہیں کر سکدا
بلاول بھٹو زرداری نے آکھیا کہ ساڈے سفارتی مشن دوران، اساں پوری دنیا نوں مودی دے سندھو تے حملے بارے دسے اے۔ اساں ہر تھان امن دی گل کیتی، پر بھارت جنگ چاندے، اساں بھارت نوں دنیا وچ ہر پاسے ننگا کیتا اے، تے ہن وی مودی دے خلاف آواز چکنی اے۔
اوہناں دا آکھنا سی کہ پاکستان نے ہر محاذ تے بھارت نوں شکست دتی اے تے ساڈے ہر صوبے دے لوک بھارت دی جارحیت دا ڈٹ کے مقابلہ کرن لئی تیار نیں۔