دہشتگرداں دے ہر سہولت کار نوں گرفتار کیتا جائے گا، چاہے اوہ کوئی وی ہووے تے کِتھے وی ہووے،فیلڈ مارشل سید عاصم منیر

دہشتگرداں دے ہر سہولت کار نوں گرفتار کیتا جائے گا، چاہے اوہ کوئی وی ہووے تے کِتھے وی ہووے،فیلڈ مارشل سید عاصم منیر
فیلڈ مارشل عاصم منیر نے آکھیا کہ دہشت گردی دے ہر سہولت کار، مددگار تے مجرم نوں قانون دے کٹہرے وچ لے کے آنا لازمی اے، اوہ کوئی وی ہووے، کِتھے وی ہووے
آئی ایس پی آر دے مطابق چیف آف آرمی اسٹاف فیلڈ مارشل عاصم منیر نے اج کور ہیڈکوارٹر پشاور دا دورہ کیتا، جتھے کور کمانڈر پشاور نے انہاں دا استقبال کیتا۔ اس موقعے تے انہاں نوں ملک دی موجودہ سکیورٹی صورتحال تے جاری انسدادِ دہشت گردی آپریشنز بارے تفصیلی بریفنگ دِتی گئی۔
فیلڈ مارشل نے بنوں گیریژن وچ دہشتگرد حملے وچ شہید ہون والے جواناں دی نمازِ جنازہ وچ شرکت کیتی تے سی ایم ایچ بنوں وچ زیر علاج زخمی سپاہیاں دی عیادت وی کیتی۔
ایس موقعے تے آرمی چیف نے وطن دی حفاظت وچ جان قربان کرن والے شہیداں نوں زبردست خراجِ عقیدت پیش کیتا تے بھارتی سرپرستی وچ سرگرم فتنۂ خوارج خلاف سکیورٹی فورسز دی بہادری نوں خوب سراہیا۔
اوہناں نے زور دتا کہ:
"پوری قوم دہشت گردی خلاف متحد اے، تے پاکستان وچ دہشت گردی دی ہر شکل دے مکمل خاتمے تک ساڈی جدوجہد جاری رہے گی۔ دہشتگردی وچ ملوث ہر سہولت کار، مددگار تے مجرم نوں قانون دے کٹہرے وچ لے کے آوایا جائے گا، چاہے اوہ کوئی وی ہووے تے کِتھے وی ہووے۔ خطے وچ دہشت گردی دے اصل چہرے نوں دنیا دے سامنے بے نقاب کیتا جائے گا۔”
فیلڈ مارشل عاصم منیر نے ایہ وی کہا کہ کِسے وی بے گناہ پاکستانی دے خون دا پورا حساب لیا جائے گا، تے ملک دے استحکام خلاف ہر سازش دا فوری تے سخت جواب دِتا جائے گا۔
آخر وچ آرمی چیف نے خیبرپختونخوا پولیس تے سول قانون نافذ کرن والے اداریاں دی صلاحیت وِچ اضافے دی ضرورت اُتے زور دِتا، تے متعلقہ سرکاری اداریاں نوں ہدایت دِتی کہ فوری اقدامات کیتے جان۔ فیلڈ مارشل نے واضح کیتا کہ:
"پاک فوج قانون نافذ کرن والے اداریاں دی تربیت تے استعداد وِچ اضافے لئی ہر ممکن تعاون جاری رکھے گی۔”