راولپنڈی: فیلڈ مارشل سید عاصم منیر

راولپنڈی: فیلڈ مارشل سید عاصم منیر نے آکھیااے کہ پاک فوج بلوچستان دے عوام دی ترقی تے خوشحالی لئی کندھے نال کندھا ملا کے کھڑی اے۔پاک فوج دے شعبہ تعلقاتِ عامہ دے مطابق فیلڈ مارشل سید عاصم منیر نے تربت، بلوچستان دا دورہ کیتا۔ دورے دا مقصد موجودہ سیکیورٹی صورتحال دا جائزہ لینا، ترقیاتی اقدامات دا معائینہ کرنا، تے بلوچستان وچ استحکام تے خوشحالی لئی فوجی تے سول اداریاں دے درمیان ہم آہنگی نوں مضبوط بنانا سی۔وزیراعلیٰ بلوچستان میر سرفراز بگٹی، چیف سیکرٹری بلوچستان تے ہور اعلیٰ حکام وی ایس موقعے تے موجود سن۔فیلڈ مارشل نوں سیکیورٹی دی مجموعی صورتحال، خطرات دے تناظر، فتنہ ہندوستان دے خلاف کامیاب آپریشنز، جاری ترقیاتی منصوبیاں، تے جنوبی بلوچستان وچ سماجی تے معاشی حالات بہتر بناؤن لئی کوششاں اُتے تفصیلی بریفنگ دِتّی گئی۔سید عاصم منیر نے وزیراعلیٰ بلوچستان تے سول انتظامیہ دے نمائندیاں نال ملاقات دوران گڈ گورننس، بنیادی ڈھانچے دی ترقی، تے جامع تے عوام دوست ترقی دی اہمیت اُتے زور دِتّا۔اُہناں نے انہاں چیلنجاں نال نمٹن لئی سول تے عسکری اداریاں دی مشترکہ کوششاں دی اہمیت نوں اجاگر کیتا، جِنہاں دا سامنا بلوچستان دے عوام نوں ہے، تے جنوبی بلوچستان دی سماجی تے معاشی ترقی لئی ہون والیاں ساریاں کوششاں لئی غیر متزلزل حمایت دا اعادہ کیتا۔فیلڈ مارشل عاصم منیر نے بلوچستان دے عوام نال پاک فوج دے کندھے نال کندھا ملا کے کھڑے رہن دے عزم دا اعادہ کیتا، تاں جو امن، خوشحالی تے پائیدار ترقی نوں یقینی بنایا جا سکے۔