وزیراعلیٰ پنجاب مریم نواز

وزیراعلیٰ پنجاب مریم نواز نے وزیراعلیٰ خیبرپختونخوا علی امین گنڈاپور نوں ٹیلیفون کیتا تے خیبرپختونخوا وچ سیلاب دی وجہ نال قیمتی جاناں دے ضیاع اُتے افسوس دا اظہار کیتا۔اعلامیے دے مطابق، مریم نواز نے متاثرہ خانداناں نال ہمدردی دا اظہار کیتا تے ہیلی کاپٹر حادثے وچ ہون والی شہادتاں اُتے وی تعزیت کیتی۔ایس موقعے اُتے مریم نواز دا کہنا سی کہ ایہہ مشکل ویلے وچ پنجاب حکومت دے سارے وسائل خیبرپختونخوا دی حکومت تے عوام دی مدد لئی ہر وقت تیار نیں۔ پنجاب دے لوک اپنے خیبرپختونخوا دے پراواں تے بہناں دے دکھ وچ برابر دے شریک نیں۔مریم نواز نے میاں نواز شریف دی طرفوں وی تعزیت دا پیغام پہنچایا۔اعلامیے دے مطابق، وزیراعلیٰ خیبرپختونخوا علی امین گنڈاپور نے وزیراعلیٰ پنجاب دا فون کرن تے افسوس دا اظہار کرن اُتے شکریہ ادا کیتا، تے پنجاب دی طرفوں خیبرپختونخوا دے لوکاں دی مدد دے وعدے اُتے وی دلی شکریہ ادا کیتا۔