صدر مملکت آصف علی زرداری نے ملک گیر مون سون شجر کاری مہم دے آغاز اُتے اپنے پیغام وچ اکھیا اے کہ پاکستان نوں موسمیاتی تبدیلی دے سخت خطریاں دا سامنا اے تے ا پس منظر وچ شجر کاری مہم پاکستان دے محفوظ مستقبل دی ضمانت اے۔صدرِ مملکت نے دسیا کہ اس سال اگست توں اکتوبر تک پورے ملک وچ 4 کروڑ 10 لاکھ توں ودھ پودے لائے جان گے۔ درخت لگانا ہر شہری دا قومی فریضہ اے، کیوں جے درخت ماحول لئی زندگی دی علامت نیں تے موسمیاتی تبدیلی دے خلاف سب توں مضبوط ڈھال نیں۔اوہناں نے اکھیا کہ جنگلاں دی کٹائی، درجہ حرارت وچ اضافہ تے بار بار آن والا سیلاب لکھاں زندگیاں متاثر کر ریااے،۔ ایس حال وچ قوم دی ترقی جنگلاں تے قدرتی ماحول دے تحفظ اُتے منحصر اے۔صدر مملکت نے عوام نوں اپیل کیتی کہ اوہ سرسبز، صاف تے خوشحال پاکستان لئی زیادہ توں زیادہ پودے لان۔ اوہناں دے مطابق ہر لگایا گیا درخت آئندہ نسلان لئی زندگی دا وسیلہ تے آفات دے خلاف اک ڈھال اے۔آصف علی زرداری نے اکھیا کہ حالیہ بارشاں تے سیلاب نے ملک دے مختلف حصے وچ تباہی مچائی اے، ایس لئی ساڈے لئی ضروری اے کہ فیصلہ کن انداز وچ زیادہ توں زیادہ درخت لائے جان تے گرین پاکستان پروگرام نوں کامیاب بنایا جائے۔صدر مملکت نے زور دتا کہ نوجوان شجر کاری مہم دی قیادت کرن تے تبدیلی دے سفیر بنن۔ کسان درخت لا کے اپنیاں فصلان تے ماحول نوں محفوظ بنا سکدے نیں۔ اوہناں نے میڈیا، سول سوسائٹی، کمیونٹی رہنماؤ تے علما نوں اپیل کیتی کہ اوہ عوام نوں ایس قومی فریضے دی حمایت لئی متحرک کرن۔
