پاکستان دی کرپٹو سفارتکاری، عالمی سطح اُتے مضبوط مقام حاصل

اسلام آباد: پاکستان دی کرپٹو سفارتکاری نے عالمی سطح اُتے مضبوط مقام بنا لیا۔پاکستان نے ورچوئل ایسٹس ریگولیٹری اتھارٹی قائم کر کے کرپٹو تے ڈیجیٹل اثاثیاں دی نگرانی تے ریگولیشن دا آغاز کیتا۔ ورچوئل ایسٹس ریگولیٹری اتھارٹی دا قیام پاکستان دے ڈیجیٹل فنانس وچ اک اہم سنگ میل ثابت ہویا۔وزیرِ مملکت برائے کرپٹو تے بلاک چین، بلال بن ثاقب دے مطابق پاکستان دی کرپٹو پالیسی عالمی وژن دے تحت نویں بین الاقوامی معاشی موقعے کھول رہی اے۔ اوہناں آکھیا کہ ساڈے سٹریٹجک بٹ کوائن ریزرو مستقبل وچ عملی سرمایہ کاری دی علامت نیں۔فنانشل ٹائمز نے عالمی سطح اُتے پاکستان دی کرپٹو توانائی وچ تیزی نال ہون والی پیش رفت تے ودھدی ہوئی حکمت عملی نوں سراہیا اے۔بلال بن ثاقب نے آکھیا کہ ایہہ پہچان پاکستان دی کرپٹو وچ ودھدی ہوئی عالمی اہمیت دی عکاسی کردی اے، اسی آخرکار اک فعال شریک دے طور اُتے عالمی جدت دے میدان وچ آپنا مقام بنا رہ‏ے آں۔یاد رہے کہ پاکستان سمیت ہور ملک، جنہاں وچ سوئٹزرلینڈ تے ایل سلواڈور شامل نیں، بٹ کوائن ریزرو نوں قانونی کرنسی دے طور اُتے اپنا چکے نیں۔