اسرائیلی فوج نے غزہ وچ نواں فوجی آپریشن شروع کر دِتا، 60 ہزار ریزرو فوجی طلب کر لَئے۔صیہونی فوج نے شمالی غزہ وچ حملے تیز کر دِتے، صبح توں ہُن تک ہور 40 فلسطینی شہید تے درجناں زخمی ہو گئے۔ امدادی مرکزاں دے نیڑے حملے وچ 8 افراد شہید تے 91 زخمی ہوئے، غزہ وچ بھُکھ نال ہور 2 موتاں ہو گئیاں۔غذائی قلت نال ہلاکتاں دی کُل تعداد 271 ہو گئی، جنگ وچ شہیداں دی کُل تعداد 62 ہزار 200 توں وادھ چُکی اے۔ خان یونس وچ اسرائیلی فوجی مرکز اُتے حماس نے حملہ کیتا، اسرائیلی ٹینک تباہ کیتا تے کئی فوجیاں نوں ہلاک تے زخمی کرن دا دعویٰ کیتا گیا۔عرب میڈیا دے مطابق اسرائیلی کارروائی دا مقصد غزہ اُتے قبضہ تے 10 لاکھ فلسطینیاں نوں بے دخل کرنا اے۔
